「他是不是也⋯」
「不要理他!」

「我地繼續食唔洗理佢。」
「嗯。」

六條女無視左文健,繼續嘴嚼手中既食物,我地四個亦都走埋上去,出現係六條女面前,六條女望向我地。

「天哪⋯又來了一個男的⋯」
「完蛋了⋯完蛋了⋯」



「喂⋯依個係唔係雪兒?」
「辣⋯辣椒妹都係度啊⋯」
「唔好理佢地⋯」

六條女裡面,有四個大陸人,兩個香港人,四個大陸女人都係三十幾歲,而個兩位香港人係我地學校既。

六條女,個樣就⋯er⋯麻麻地掛,但身材還可以,有前有後,亦即係大家所講個種背後似公主,正面似番薯。

我望一望佢地手中既食物,都係D餅乾仔同手指咁大既魚乾,咦!有餅乾,即係依度有唔少郵輪上既食物,大家係荒島生存左咁耐,都仲有郵輪上既嘢食⋯



「靚女,我好肚餓啊,可唔可以分D俾我食啊?」
文健望住大陸女人手上既魚乾不停咁吞口水。

大陸女人一聽到文健依句嘢,即刻加快速度啃食手中既魚乾,文健見到咁,唯有望個兩位女同學。

「兩位靚女同學仔,可唔可以俾D餅乾我食啊?我到依家仲未食嘢,好肚餓啊⋯」
文健摸住個肚講,兩位女同學原本慢慢咁嘴嚼手中既餅乾,即刻一啖吞曬落肚。

「大陸仔,點解佢地會咁樣?」


雪兒篤一篤我。

「唔知啊,可能佢地既食物已經唔多掛。」
我講完望一望周圍。

依度無乜樹木草叢,近河邊,係不遠處有兩三個帳篷同埋有唔少山洞,係依度生活又真係唔錯既選擇。

「依度得你地六個係度生活?」
我問一問個兩位女同學,兩位女同學擺出個厭倦既眼神,然後答都無答我,完全無視左我。

「大姐大姐,這裏只有你們住在這嗎?有沒有其他人?」
我問個四位大陸女人。

「我去你妹的!有你這樣說話的嗎?」
「大你妹啊大姐!你看我哪裡大?我今年才十八!」


「如果我吃飽有力氣的話,我肯定打死你這個兔崽子!」

「sor9ry!sor9ry!幾位美女,這裡只有你們生活嗎?沒有其他人了嗎?」

「算你會說,這裏⋯」

「喂!你們幾個是從哪裡來的!」
突然有一把男人聲講著流利既普通話,係遠處傳過黎,打斷我同大陸女人既對話。

我抬頭望一望,一個應該有五十歲既中年肥佬從其中一個山洞裡面走出黎,然後走過黎我地依邊,佢有好明顯既地中海,同一個幾大既啤酒肚。

佢依個肥胖既身型,如果係斜坡一腳踢佢既話,佢應該可以一直碌落山。

「喂!我問你們啊!你們幾個是從哪裡來的?說話啊!啞巴啊?他媽的!」
個肥佬叉腰咁講嘢,依一刻,我覺得自己好似對住個豬八戒。
已有 0 人追稿