荒島日記（新手、後宮甜）（不定期更新）: 誠邀

「無所謂啦，我地係同一個中學既，係應該守望相助既，黎到依個島生活，我地就更加要互相幫助，解決所有問題！」
唔知仲以為肥豬劉係度演講咁。

雪兒尷尬到唔知俾咩反應俾肥豬劉，而我同辣椒妹就完全知肥豬劉黎依度究竟係為左D咩目的，秋儀亦都走出黎望一望。

「雪兒，我聽講你地俾唔起食物，不如你黎我山洞住啊，我幫你俾你個份，而且你日日都唔洗做嘢，個山洞裡面你話曬事，好唔好？」
肥豬劉伸出手邀請雪兒。

（嗱！嗱！嗱！佢終於講左今次過黎係D咩目的啦！）
（司馬昭之心，路人皆知！）



「多謝你啊師兄，唔洗啦。」
雪兒微笑咁拒絕肥豬劉。

「唔洗驚wor，依幾個女仔全部都聽曬你話，你係依個山洞既女主人，你可以點曬佢地做嘢。」
肥豬劉一講，其中一個女仔想走出黎問肥豬劉，但即刻俾肥豬劉阻止左。

「多謝你既好意，我都係鐘意同佢地一齊住，多謝你啊師兄。」
雪兒再次拒絕肥豬劉。



肥豬劉見到雪兒拒絕，於是落嘴頭到其他人身上。
「辣椒妹，一係你勸下雪兒啊，師妹（秋儀）你都幫下我勸下雪兒啊，你地兩個黎我山洞住都唔洗做嘢。」

（為左雪兒去你山洞住，你可以去到幾盡？）

「唔洗啦，多撚謝。」
辣椒妹無望肥豬劉，一直係度望住自己D手指甲，刮指甲裡面既污跡。

「我都係鐘意同學東哥一齊住。」
秋儀笑笑口咁攬住我講。



「係啊，師兄，我同大陸仔一直以黎都一齊住，已經習慣曬啦，多謝你既好意。」
雪兒講完就對住肥豬劉鞠躬一下。

「咁⋯咁⋯」
肥豬劉無諗過雪兒會係咁拒絕佢，如果俾著其他營地既女仔，聽到依種要求應承啦。

我望一望肥豬劉，肥豬劉望住我既時候，帶有強烈既怨恨感，但好快就消失左，繼續係三女面前扮到好仔咁，睇住依條友既演技睇到我想嘔。

「一係咁啦，你地四個都黎我山洞住，不過有條件，大陸仔你要做嘢，你負責打獵搵食物返黎，而三位女士們就唔洗做嘢啦，你地都係山洞既女主人，依個決定ok嗎？」
肥豬劉淫笑地望住雪兒。

（哈哈哈！我有無聽錯啊？佢竟然叫我都住入佢既山洞，叫我負責打獵wor！）

「死人大陸仔！快D出句聲啦！」


雪兒有D焦急，睇黎佢見我一直無講嘢，佢又唔知點樣拒絕依個煩死人既師兄，開始嬲啦。

肥豬劉見到雪兒突然嬲霸霸，感覺到我同雪兒既關係非比尋常，面色開始變得難睇，我仲見佢緊握住拳頭。

「多謝你啦師兄，睇黎雪兒並唔鐘意去你山洞個度住，你都係扯罷啦。」
我走上前去，雪兒便躲係我背後，即刻拖住我隻手，肥豬劉睇到雪兒既反應後變得憤怒。

「大陸仔！你快D離開我既雪兒！」
憤怒既肥豬劉對住我咆哮。

「離乜開啊？佢係我女朋友，做咩要離開佢？你扯罷啦！」
肥豬劉聽到雪兒係我女朋友依句，即刻望住雪兒，雪兒躲係我背後係咁點頭。

「雪兒，係唔係佢逼你㗎？我幫你教訓佢！」
肥豬劉凶神惡煞咁走過黎。



「佢係我男朋友啊，佢無逼我㗎，多謝你既好意，你都係走啦師兄。」
雪兒躲係我背後，驚到只露出雙眼。

「大陸仔！你好撚嘢！我地走！」
肥豬劉轉身後便帶四個隨從女仔離開。