荒島日記（新手、後宮甜）（不定期更新）: 自由

達叔因為夠義氣無篤我地出黎，俾訓導以食煙同飲酒硬食左兩個大過。由於達叔屋企有錢，件事搞到咁大，學校已經通知左達叔既變態阿媽（我地稱為殺達母，因為佢阿媽太變態。），達叔之後既生活就完全俾佢阿媽管束住。

達叔如果唔洗留堂補課，就會有管家黎接佢放學，星期六日，達叔完全唔俾出街。達叔同我whatsapp，都係偷偷地㗎⋯

楊永達，花名：達叔，係我中二個陣認識，身高175，身材中等，有錢仔黎，不過佢同我都係青頭仔，佢老竇係大陸開廠做生意，搵左唔少錢，佢訓個間房，聽聞都有成千呎。



「達叔，依兩年，真係辛苦曬你⋯」
我隻手擺上達叔既膊頭。



「辛咩苦啊，見到班兄弟無事就得啦。」
達叔笑住咁講。

「達叔，你唔係坐監（困在家中）既咩？點解會參加到畢業旅行？」

「哈！我同我老竇講係強制性既，所以我老竇幫我簽左名俾埋錢我黎囉。」
達叔對住我擺出勝利既手勢。

「原來係咁。」



「見返你真係好啊！郵輪出左事之後，我地就黎到依度生活，一直唔見有其他同學，我以為D同學死曬⋯」
達叔攬住我拍打我既背隻。

「我地原本都住係兩座山後面個度，郵輪出左事後就一直住，不過前一排個度潮漲，連我地住個度都浸埋，所以向島裡面行，睇下見唔見到其他生還者同適合既居住環境囉。」

「學東哥。」
秋儀走出黎，達叔見到後便對我露出邪惡淫賤既笑容。

「掂wor，東哥，睇黎依家唔係A0啦，識食wor，蘿莉好啊，細細粒，易上手啊。」


達叔係我耳仔邊一輪嘴講。

我望一望達叔帶黎個兩個女仔，樣貌一般，但身材都無錯，睇D膚色同線條，就知係經常做運動個D黎。

「你都唔差啊，你有兩個wor！」
我都對住達叔露出淫賤既笑容。

「大陸仔！你返黎啦！」
辣椒妹橋住手走出黎，達叔見到後露出驚訝既樣。

「辣⋯辣椒妹⋯」
達哥講嘢都口窒窒。

「嗯？」



「大陸仔返黎啦？D乾草呢？」
雪兒走埋出黎，達叔個樣表現出難以想像，個口完全合唔上。

「啊！」
達叔突然用手臂夾住我，然後扯住我行到一邊去。

「東哥！估唔到你咁掂wor！辣椒妹又搞得掂，連從來無人溝得到既女神林雪兒都溝埋，頂！你依家人生大贏家啦！」
達叔好興奮咁講。

「哈哈！咁啱得咁橋姐！」
我尷尬到R頭。

「喂，食左佢地未啊？」
我一聽到達叔講依句，塊面變得通紅。



「睇你死仔個反應，就知你食曬啦！」
達叔對住我淫笑。

「你地兩個講咁D咩？咁細細聲講，大家唔聽得咩？」
雪兒走過黎問。

「唔係唔係，係啦！講返D正經嘢，達叔，我有D嘢想問下你。」

「你係想問營地既事？」
達叔睇穿曬我想知道D咩。

「係啊，我想知營地既事，同埋紫霜佢兩個既事，咁你知唔知？」

「我係度住左咁耐，肯定知道啦。」
達叔坐係地上，我地幾個亦都坐低聽達叔講嘢。