荒島日記（新手、後宮甜）（不定期更新）: 交換

眾女紛紛向營地既方向散去，我亦都離開依度往上游方向行，留低係河中無奈既肥豬劉個班人。

「唓！我仲以為佢會捉到條蛇。」
最前面帶頭個女仔講到嘴刁刁。

「係囉！原來佢都係咁無用！睇撚錯佢！」

「枉我洗咁衫都跑落黎睇！」

「睇佢咁肥，就知佢平時係屋企做少爺仔啦！點會做到嘢啊！」



「好彩我唔係住佢山洞！」

依班女，一開始肥豬劉捉到條河鰻個陣，就係咁讚肥豬劉，依家條河鰻游走左，就係咁不停踩肥豬劉。

一個鐘後，我係上游樹林個邊偶遇到兩隻兔仔，好快俾我用弓箭毫不留情咁獵殺左，見個天都開始黃黃地，夕陽差唔多出現，唯有返去山洞。

我提著兩隻兔仔，沿住河邊行返去山洞個方向，見到有個女仔仲係河度捉魚。

個天都就黎黑啦，仲有人係度捉魚既。



突然佢回頭望過黎。

（頂！原來係頭先個位四眼妹！）

個四眼妹好鄙視咁望住我，恨不得將我煎皮拆骨。（頂⋯我殺左你老竇咩⋯）

視線慢慢落到去我手上既兔仔，即刻瞪大雙眼望住兔仔，塊面顯出唔敢相信我會捕捉到獵物。

不過細佬我無咁得閒，我要趕住返去見我D老婆仔們～



「喂！」
四眼妹突然叫停我。

我回頭望向四眼妹，四眼妹好似有嘢想講但又唔敢講，我見佢幾秒都唔出聲，所以便繼續行。
「喂！咪走住！」

「點啊？」
我好唔耐煩咁回頭望去。

「你個兩隻兔仔⋯賣唔賣？」
四眼妹有D緊張咁講。

「你想買？你有咩可以買到？」



「er⋯你跟我黎！」
說罷，四眼妹便帶著我走去營地個邊。

行左幾分鐘便到左營地，四眼妹一直無講嘢，只係帶住我行，沿途既山洞同帳篷都發出紅光，睇黎大家都係度煮咁晚餐。

「到左啦！」
四眼妹開聲，我望返四眼妹既方向，佢帶左我去佢住既山洞，而山洞裡面住左三個女仔，係頭先同佢係河邊捉魚個三個，個三個女仔見到我出現，顯得有D愕然。

三女即刻打量我成身，目光都擺曬係兩隻兔仔度，隱約聽到佢地吞口水既聲音。

我望一望個山洞裡面既嘢，見到有唔少衣物、煮食用具等等雜物，成個山洞似個雜貨舖頭咁。

「係唔係好多嘢呢！揀啦！你想要邊樣啊？我依度要咩都有！」
四眼妹托一托副眼鏡。



我望一望D物品，尋找想要既嘢，突然有樣嘢閃左一閃，吸引住我既目光。

「喂，就依個啦！點賣法？」
我伸手指住一堆雜物中既一個大鐵桶。

「哈！真係識貨！依個鐵桶係依個島上面，真係買少見少。」
四眼妹說罷，便走去搬走其他雜物，提起個鐵桶出黎。

我攞起個鐵桶敲一敲，上面寫住不鏽鋼，左望右望睇清楚曬，無穿無爛。

四眼妹見我滿意既眼神，便開口。
「依個鐵桶唔錯㗎，盛惠你兩隻兔仔！」

她媽的奸商！！！



「太貴，不了。」
說完我便掉頭。

「咁一隻啦！你睇下我地四個女仔，一隻兔仔都只係夠我地食一餐⋯」
四眼妹用好可憐既眼神望住我，而山洞裡面個三個女仔都用可憐既眼神望過黎。

我望到雜物中有另一個貨品。
「咁我要埋依個，兩隻兔仔同你換，得唔得？」

四眼妹望住我手指指向既方向，一個包到密密實實既棉被。
「好！殺你！」