「大陸仔!你唔好咁臭串!我依家就係睇唔過眼你餓親我既雪兒!雪兒,你跟我走啦,我唔想你餓親!」
肥豬劉講完便走上前。

我見肥豬劉好似想強搶雪兒,我已經伸手想攞把開山刀出黎。

「今日見紅,你唔好怪我啊!肥豬劉!」
我警告肥豬劉,不過佢無動於衷繼續行過黎。

你個粉腸,既然咁想死就黎啦!唔好怪我唔客氣,已經警告過你!



當我攞出開山刀出黎,肥豬劉即刻嚇到呆左,而佢後面個四個女伴亦都嚇呆賣,睇黎佢地俾我把開山刀嚇親。

「嗯?咁多人既?」
背後傳出秋儀把聲。

我回頭望過去,秋儀係後面走出黎,佢見唔到依家個場面有幾緊張,若無其事咁抱住半邊狼肉出黎,因為秋儀比較細粒,所以顯得半邊狼肉好似好大舊咁。

秋儀慢慢咁走到柴堆個邊,肥豬劉同四個女伴一直望住秋儀攬住個半邊狼肉,望住舊半邊狼肉搭上燒烤架上。

原來佢地唔係俾我把開山刀嚇親,係俾半邊狼肉嚇親。隱約聽到佢地吞口水既聲音。



「喂⋯個舊乜嘢肉黎㗎?咁大舊既?」
其中一個肥豬劉女伴講。

「我都未見過咁大舊肉㗎!」

「上次陳總殺個隻野豬,好似都比依舊肉大一DD,唔知依舊肉好唔好味呢⋯」

「佢地四個食咁大舊肉,好奢侈啊!」
個女伴雙眼發出羨慕目光。



肥豬劉聽到自己既女伴們係度討論舊狼肉,嬲到得低頭緊握住拳頭。

「收嗲啦!八婆!」
肥豬劉嬲霸霸鬧佢既女伴。

「你個舊咁大既兔仔腳唔夠我地食既啦!留返俾你自己啦!死肥豬!」
辣椒妹講完便掩嘴笑。

辣椒妹嘲笑咁講完,我同雪兒都忍唔住笑左出聲,肥豬劉塊面更加通紅,更加就黎要爆血管。

「頂!」
肥豬劉嬲霸霸調頭就走,而D女伴亦都跟住調頭,不過走幾步就回頭望,對住舊狼肉好依依不捨咁。

「死肥豬!跟住你就真係餓撚死啦!898!」


辣椒妹嗌完後大笑幾聲。

「行快D啦!仲嫌唔夠柒啊!」
肥豬劉大喝,女伴們即刻加快腳步走,無幾耐就唔見蹤影。

「經過今次,我睇肥豬劉應該有一排都唔敢過黎騷擾我地。」
我望住營地個方向講。

「本身係學校已經憎撚死佢,估唔到黎到荒島仲會遇撚到佢,不過都好,今次佢咁柒,開心曬!」
辣椒妹走過去拍秋儀個背隻,不過秋儀唔明發生左咩事。

「好啦,唔好講佢啦,等我煮好D嘢食啦。」
雪兒走去烤狼肉。

「辣椒妹,叫紫霜過黎幫我掃下山洞個地啊。」


我點辣椒妹去叫紫霜。

「人地咁慘仲叫人做嘢。」
辣椒妹用鄙視既眼神望我。

「哈哈,大陸仔既意思係叫紫霜過黎食嘢啊,紫霜唔鐘意受人恩惠,所以叫佢掃下個地囉。」
雪兒明我想表達D咩,辣椒妹聽完便跑去紫霜山洞個邊。

無幾耐紫霜攞住個掃把過黎幫我山洞打掃一番,我求求其其咁指掃下依度個度。

紫霜掃完地之後,便以答謝佢既打掃,留低左佢一齊食晚餐,依半邊狼肉,亦都俾我地食得七七八八,聽日真係要努力去搵食物先得啦。

望住佢地三個幸福既笑容,就算幾辛苦,都值得。
已有 0 人追稿