一朝早,我走出山洞,四眼妹一家同達叔一家已經係空地上,圍住雪兒烹調咁既貝殼湯同蒸蟹,達叔見到我行咁過嚟,於是揮手打招呼。
「早晨啊!東哥!」

我揮一揮手,同四眼妹一家點點頭,便坐係達叔身邊。
「達叔,今日營地個邊有無咩動靜?」

「今日營地個邊好奇怪!」
四眼妹其中一個女伴說到。

「奇怪?」



個女伴細細聲說到。
「嗯⋯以佢地無曬糧食儲備,應該會一早出去打獵搵嘢食,但今日⋯佢地個邊竟然無一個人外出打獵⋯你話奇唔奇怪?」

咁就真係奇怪啦⋯依幾日佢地都會成堆人一朝早走上上游捕獵⋯

正當我地沈默思考既時候,河邊方向出現一個人影,係肥佬陳既秘書Lily,

佢著住件白色恤衫,外面套住件緊實既西裝,下身著條好窄既裙,雙大長腿配上黑絲。



雖然佢著得密密實實,但胸部同臀部因衣服既緊貼而顯出驕人既身材。係我旁邊既達叔,因為眼前既美景,一早望到嘴巴都合唔埋。

秘書Lily婀娜多姿咁行到我地面前,然後微笑咁同我地眾人講。
「你們好,今天陳總想邀請大家去營地一會,他有事和大家宣佈。」

「你地營地既事關我地咩事啊?」
辣椒妹不屑說到。

其他人和應。
「咪係囉!」



見到大家凶神惡煞既樣,秘書Lily無俾佢地嚇親,反而十分淡定,繼續微笑溫柔咁對住大家。
「大家不要生氣,因為陳總說,今天宣佈的事情是關於大家的未來,是非常重要的,所以你們全部人都必須要出席。」

「我地全部都要去?」
我疑惑咁望住Lily。

秘書Lily微笑地點點頭。
「沒錯,你們全部人都要去。」

我思考數秒後。
「好,我地等陣就過嚟。」

「大陸仔⋯」
雪兒有啲擔心咁講,其他人都望住我,佢地覺得今日營地咁奇怪,可能會有危險。



我拍一拍手。
「大家唔洗咁驚,我地咁多人,佢地個邊可以做啲咩?」

「那我們下午在營地的空地上見吧,再見各位,不好意思打擾你們了。」
秘書Lily鞠躬致意,便轉身走返去營地個邊,我同達叔全神貫注咁望實Lily扭嚟扭去既臀部。

嘩!,如果同Lily扑嘢,應該都幾享受。

「大陸仔,你睇夠未啊?」
雪兒用力扭我既耳仔。

「啊⋯啊⋯sorry⋯」
聽到我嗌痛,雪兒先肯鬆返隻手,然後佢橋曬手好不屑咁望我一眼。



達叔望住秘書Lily消失於河邊方向後,便捉住我講。
「東哥!做咩應承過去啊⋯陳總咁突然要搵我地,一定有古惑!」

「我都覺得係。」
四眼妹托住腮講。

「大家唔洗咁驚喎,唔應承都應承咗啦,大家去睇一睇就知佢出咩古惑嘢啦,唔好講啦,大家食咗個早餐先啦。」
說罷,我就平分貝殼湯同蒸蟹俾大家。

貝殼湯同蒸蟹既美味,令原本擔憂咁既大家面上露出笑容,細味品嘗貝殼湯既鮮甜同蒸蟹美味蟹肉。

食完早餐後,我地全部人便走到營地個邊,慢慢行向營地既空地方向,穿過樹林後,便見到空地上聚集曬營地既人。

「佢地嚟啦⋯」
其中一個營地既女仔說到,原本嘈吵一片既營地眾人安靜起嚟,然後佢地一一擰轉頭,望住我地行過嚟。



我掃視蹲坐係空地上既眾人,終於見到肥豬劉同高佬佳,佢地兩個係人群中,兩個人一見到我地出現後,便嘴角上揚,個樣十分狡猾。

秘書Lily從山洞裡走出,微笑咁歡迎我地既來臨,然後招呼我地坐係營地眾人既旁邊既地上。

雪兒見到營地人既目光後,便好緊張咁捉住我隻手,秋儀坐係我面前,而辣椒妹坐係我左手邊,雙手攬實我手臂。

秘書Lily走到我地所有人面前拍手,所有人都安靜唔再傾計。
「大家,請用最熱烈的掌聲,歡迎我們營地的老大!陳總!」

「wow!!」
營地眾人拍曬手掌,肥豬劉仲大聲歡呼起嚟,而我地依邊無奈咁望營地眾人既反應。

肥佬陳慢慢從山洞走出,佢今日竟然著住成套西裝,顯得隆重。佢舉高右手,慢慢咁行過嚟,就好似名人落機一樣。



肥豬劉突然走出嚟,佢雙手揸住扎附近摘取既野花,將扎花送俾陳總,陳總哈哈大笑咁接扎花。
「謝謝!謝謝!」

「陳總!你今日好靚仔啊!」
其中一個女仔大嗌後,所有營地人都歡呼拍手。

辣椒妹擺出個想嘔既表情,耳四眼妹忍住笑咁顫抖。

肥佬陳把扎花交俾秘書Lily。
「謝謝!謝謝大家的支持!」



待續
已有 0 人追稿