荒島日記（新手、後宮甜）（不定期更新）: 偷槍2.0

我睜開雙眼，望向左邊，攬住我手臂訓教既雪兒已經熟睡，再望返右邊，秋儀同辣椒妹都已經訓著咗，辣椒妹好似以往咁發出強勁既鼻鼾聲⋯

如果我地三個唔係習慣咗辣椒妹既鼻鼾聲，可能依家晚晚都要失眠⋯

我小心翼翼咁抽出俾雪兒攬住既右手，免得整醒雪兒，然後我慢慢坐起身，望向山洞口外。

月光照耀住洞外，外面傳嚟蟬同青蛙既鳴叫聲。

依個時候係大家正常休息睡眠時間，最適合潛入肥佬陳個山洞！



我攞起件潛水衣，慢慢咁行出去，不時回頭望一望確認三女仲係唔係熟睡中。

走到旁邊既山洞後，即刻除曬衫褲換上潛水衣，環顧四週都見唔到人影後，便走向營地個邊。

過完條河，終於嚟到營地依邊，我慢慢一步一步咁前進。

今日營地依邊搞到咁大陣仗，可能會有人仲未訓得著，話口未完，就見到兩個人影坐咗係空地個邊⋯

空地上一大一小既身形，係肥豬劉同高佬佳，兩個人頭耷耷完全無講嘢。



我即刻退後靠近牆身，生怕會俾佢地兩個發出，雖然佢地兩個背對住我，但我都好驚佢地會突然間回頭⋯

佢地兩個咁夜唔訓坐係空地，一定又係到計劃咁啲咩壞事！

但我今日係嚟偷槍，無乜時間偷聽你兩個既計劃。

雖然距離肥老陳既山洞仲有二十米左右，但每一步對我嚟講都驚心動魄，步步為營，因為只要發出一點聲音，就一定會迎嚟肥豬劉同高佬佳既注意⋯

終於走到肥佬陳既山洞，我慢慢咁坐低唞氣⋯啱啱段路行到心臟加速⋯氣都喘埋⋯唔講仲以為跑咗幾公里⋯



我邊喘氣邊回頭望向空地方向，肥豬劉同高佬佳仍然係空地上蹲坐。

休息咗幾分鐘，我慢慢行入山洞裡面，然後拉開黑布望向大廳裡面，便見到有個人坐係大廳既地上。

原來係文健嚟，佢成個人挨住係梳化邊，雙手攬住條粗木棍，靈魂早已去尋找周公。

睇嚟文健依家係肥佬陳既山洞做看更，咁對佢嚟講既話，都算係因禍得福，雖然要做下人，但起碼住係到衣食無憂。

依隻蛀米大蟲訓到口水到就嚟整濕成件衫⋯

我小心翼翼咁穿過大廳，走到大廳後面擺放食物既地方，原本堆滿罐頭糧食既地方，早已變得空蕩蕩。

肥佬陳果然係將啲食物轉移曬！但咁大堆食物⋯佢會搬去邊到存放呢？算，我依家入嚟係偷槍，唔理啲食物住。

走到十字路口，我挨近牆邊，靜靜咁聆聽周圍傳過嚟既聲音，停留咗幾分鐘，聽唔到人聲同腳步聲後，我便走向右邊，亦即係肥佬陳既睡房。



我仲未走到黑布前面，就已經聽到裡面傳出喘氣聲，頂！日日扑嘢！死肥佬遲早會精盡人亡！

我唯有轉身走去秘書Lily既房間，拉開身高少黑布，便見到Lily係床上熟睡，裡面既太陽能電筒發出既燈光，俾佢調成偏暗既黃光，俾我感覺有些少溫馨。

Lily身上著住係鬼妹最鐘意著既性感睡衣，黑色絲質布料，胸部同私處既位置若隱若現，搞到小東東都忍唔住變硬挺起，頂住件潛水衣。

大陸仔⋯你專心啲啦⋯你今日入嚟係偷嘢⋯唔係嚟做癡漢㗎⋯

房間裡面既設計無變，床褥旁邊仍然有個不高不矮既櫃，另一邊係張檯，我彎下腰，靜悄悄咁行到床旁邊既櫃，然後拉開個櫃桶。

櫃桶裡面並無肥佬陳支槍，而係一本泛黃既筆記本，我打開嚟睇。


———————————————————



媽

你最近過得還好嗎？

我知道你還在生我氣⋯

所以都不接我的電話⋯

你就不要生我氣了

醫生都說你的病不能動氣⋯

我保證保證明年一定會回來看你的



吃你包的餃子

弟弟現在考上大學了嗎？

還有！我寄回去的錢夠用嗎？

不夠的話告訴我

你要好好休息

永遠愛你的女兒 董莉

———————————————————




原來依本嘢，係秘書Lily用嚟寫信俾佢阿媽既，但好可惜，依家佢生活係依個荒島上面，佢已經唔可以再寄信俾佢阿媽⋯

「你⋯你是怎麼進來的⋯」

我嚇到手中既筆記本跌係地上，然後驚恐咁擰轉面，見到秘書Lily已經坐直成個人係床上，橋住雙手疑惑咁望住我⋯⋯



待續