營地嘅女仔見到紫霜骨瘦如柴嘅身形,依家仲要好慘咁俾後母販賣,開始細細咁鬧後母美思。
「咁無人性㗎⋯」

「乜嘢年代⋯竟然仲有人會賣女⋯如果我媽咁樣對我⋯我一定打到佢入廠⋯⋯」

「因為唔係佢親生嘛⋯」

「這個小女孩太可憐了⋯」

「惡毒嘅女人⋯下輩子一定有報應的⋯」



後母美思完全無理會其他人嘅閒言閒語,好似一早已習慣咗俾人講閒話。

「紫霜,起身啊,唔洗理你個仆街後母,由得佢自生自滅啦!」
辣椒妹同紫霜說到,紫霜仍然面無表情趕望住地下。

「紫霜,紫⋯」
我拉一拉辣椒妹。

「無用㗎⋯如果佢識反抗後母⋯就唔會發生今日嘅事啦⋯」



後母美思抬頭望一望周圍,見到依家咁多人係到圍觀,先開始講嘢。
「大家!由於生活艱難,我無辦法唔賣女,嚟減少屋企食物嘅消耗。」

「你屋企啲食物得你自己一個食!紫霜根本無得食!俾你餓到咁樣!你依個惡毒嘅女人!」
雪兒都忍唔住指住後母美思鬧。

後母美思惡狠狠咁望住雪兒數秒,便繼續說到。
「紫霜佢家頭細務乜都搞得掂,你如果心情唔好,捉佢嚟出氣,佢都唔會還手。」



啪!

後母美思突然用力一巴車落紫霜塊面到。

依一巴實在太大力,而且紫霜太過瘦弱,俾後母美思突如其來一巴打到趴係地上,紫霜雙眼瞬間通紅,但佢忍住唔流出一滴眼淚,慢慢咁坐返起身。

「你個仆街!打乜撚嘢啊你!」
辣椒妹指住後母美思咆哮,仲有啲想衝過嚟打佢一鑊。

後母美思完全無俾辣椒妹嚇窒,反而更惡咁對住辣椒妹講。
「佢係我嘅人,我鐘意點對佢就點對佢!唔鐘意啊?買咗佢啊!!!」

「不如買佢啊,我地山洞就可以多一個工人用。」
人群裡,凌兒同肥佬陳從中走出,慢慢咁走到紫霜面前。



「你喜歡?」

「嗯,我鐘意。」
凌兒挨近觀察紫霜。

「那好!她多少食物可以換?」
肥佬陳指住紫霜,望住後母美思z

目中無人嘅後母美思無講任何嘢,用眼角色望咗一眼肥佬陳後,便緩緩舉起隻左手,豎起四隻手指。

肥佬陳望住舉起嘅四隻手指後,便好開心咁講。
「這麼便宜?才四個罐頭。」

後母美思聽到肥佬陳嘅說話後搖搖頭,繼續豎起四隻手指,凌兒即刻拉一拉肥佬陳隻手,然後講。
「唔係四個罐頭,係四十個⋯」



肥佬陳都學後母美思搖搖頭。
「四十個罐頭⋯四十個也太貴了吧!能不能便宜點?」

後母美思橋起雙手。
「錯!全部都錯!唔係四十罐罐頭!而係四十斤食物!」

「四十斤食物!!!」
眾人聽到後目瞪口呆⋯我都驚訝到俾唔到反應⋯四十斤食物係荒島嚟講,真係好多⋯

四十斤食物俾佢自己一個食,都夠佢食成個幾月⋯

後母美思嘴角上揚。
「四十斤食物!物超所值!既然佢咁鐘意紫霜,陳總你唔會連四十斤食物都俾唔起啊嘛?」



肥佬陳緊握著雙拳,塊面嬲到變得面紅耳赤,感覺嘴巴就嚟可以噴火冒煙。
「哇操!你以為你女兒是鑲金子嗎?竟然要我四十斤食物!走走走!我們別買了,這個臭婆娘特別貪心!」

說罷,肥佬陳攬住凌兒條腰,慢慢走向山洞方向,後母美思望住肥佬陳愈走愈遠,見佢完全無回頭嘅意思,自己開始變得著急。

數秒後,後母仍然在等待肥佬陳回頭,但肥佬陳就快走到山洞口,於是大嗌。
「陳總!陳總!好商量⋯一係計你便啲啊!陳總!」

「別說四十斤!十斤我也覺得多!你留給自己用吧!臭婆娘!」
肥佬陳頭也不回咁走返入山洞。

「大陸仔,不如我地買啊。」
辣椒妹攬住我手臂,用佢對木瓜奶夾住我隻手。

「我地邊有四十斤食物⋯」



「啲罐頭、風乾肉、鰻魚乾、蟹,加加埋埋嘅話,應該都夠四十斤㗎⋯」
雪兒亦攬住我另一邊手臂。

「真係換?可能依幾日我地可能會食唔飽,真係換?」

雪兒同辣椒妹完全無考慮,瞬間答我。
「嗯!」

「好!咁我地就⋯⋯」
我仲未講要買紫霜,遠處傳嚟一把聲。

「我買!我買!我買!!!」

我地所有人擰轉頭望過去,望向遠處急急忙忙走過嚟嘅人,依個人係⋯


達叔⋯⋯



待續
已有 0 人追稿