晚上七點


文健坐係山洞口前,望住啱啱高掛係天空嘅月亮,除了手上嘅短棍外,月亮便是陪伴佢渡過每個寂寞晚上嘅朋友。

「操他媽的!」
山洞大廳裡面傳嚟肥佬陳嘅吐罵聲。

自從中午食完個餐返嚟,肥佬陳便開始暴躁起嚟,係山洞裡面不停咁掟嘢,文健連夜晚個餐未食,就俾肥佬陳嚇到唔敢入返山洞裡面。



「陳總,不要生氣,請你冷靜一下。」
秘書Lily一直勸解肥佬陳,但肥佬陳嘅脾氣依然咁火爆。

「唔好嬲啦⋯」
肥佬陳嘅小老婆凌兒亦係一旁。

「他們根本沒放我在眼裡!他媽的!」
肥佬陳講完,便再聽到砸物嘅聲音。

「陳總,陳總,一定是誤會。」


秘書Lily繼續勸解。

「誤會?他們現在就是不放我在眼裡!他們都不想一想!當初是誰保護他們!他們能生存到現在是因為誰!」
肥佬陳講完,又再開始掟嘢。

肥佬陳係山洞裡面嘈吵咗一段時間,文健繼續係出面坐,疲倦同晚風吹過,令文健放鬆心情,好舒服咁訓著咗,唔知訓咗幾耐,突然感覺好似有人係背後推佢。
「文健,文健。」

文健用手推開背後嘅人,不過背後嘅人仍然叫著文健。
「文健,醒一醒,文健。」



文健伸個懶腰,然後朦朦朧朧咁張開眼,佢回頭一望,見到肥佬陳挺著大肚腩企咗係佢背後,佢嚇到顫抖起嚟,害怕訓教而俾肥佬陳打一鑊。

肥佬陳無發火,反而拍一拍佢膊頭,好平靜咁。
「別怕,進來吧。」

肥佬陳講完便調頭慢步走返入山洞裡面,文健覺得有詐,但佢只可以聽肥佬陳嘅說話,於是佢小心翼翼走向大廳方向。

一拉起塊黑布,便見到肥佬陳挺著大肚腩坐係梳化上,肥佬陳見到文健入嚟後,便示意文健坐上梳化,文健見肥佬陳無暴躁發脾氣,反而更加害怕,令佢不停咁周圍望,但大廳裡面只得肥佬陳一人。

「沒事,來,坐下吧。」
肥佬陳再次示意文健坐低。

文健坐低到後,先發現檯上有七八個罐頭,無食晚餐嘅文健睇到個肚即刻打鼓並流曬口水,肥佬陳此刻點著雪茄,雙手搭係梳化邊上。
「你還沒有吃晚飯吧?吃吧。」



文健疑惑咁望住肥佬陳,肥佬陳面無表情咁叼著雪茄,文健細聲問到。
「全部都可以食?」

「嗯。」
肥佬陳冷淡咁答。

文健聽到回答後,二話不說直接打開曬啲罐頭,然後狼吞虎嚥咁食,肥佬陳見到文健嘅食相後,依然好淡定咁叼著雪茄唔講嘢,一口口煙從嘴裡吐出。

「文健,你覺得我對你好不好?」
肥佬陳突然問到。

「咁係好啦!」
文健邊到敢話對佢唔好?點知講完會唔會收返曬檯上面嘅食物㗎?
文健回答完便繼續狼吞虎嚥咁食罐頭。



肥佬陳聽完後點點頭,睇嚟幾滿意文健嘅回答,過咗無幾耐,肥佬陳又再問文健。
「文健,那你覺得我對志佳和日生他們倆好不好?」

文健聽到依個問題後感到奇怪,但佢仍然快速咁回答。
「你對佢地兩個更加好!」
依個回答係文健發自內心,見到高佬佳同肥豬劉可以係營地也文也武,不知幾羨慕。

肥佬陳突然好大力咁拍打梳化,嚇到文健手都震埋,肥佬陳已經嬲到面紅耳赤。
「那他們倆為什麼不放我在眼裡!」

文健好驚青咁問。
「佢地⋯佢地做咗啲咩?」

「他們兩個忘恩負義的傢伙!他們之所以有今天全靠我!當初如果沒有我,他們兩個早就給野豬轟死了,如果沒有我給的食物,還能生存到現在嗎?」


肥佬陳愈講愈激動,隻手狠狠捉緊梳化邊,令梳化邊出現一道道摺痕。

「你同佢地兩個嘈交?但今日我地係空地聚餐個陣仲好地地㗎?」

肥佬陳再次嬲到拍打梳化,然後企起身。
「我明明說好了!我一定要吃十個螃蟹的,他們居然只給我六個!」

文健心裡吐罵肥佬陳貪心,表面安慰佢。
「可能係煮少咗⋯⋯」

文健仲未講完,肥佬陳便搶住講。
「沒有!鍋裡還有很多螃蟹呢!他們就是不給我!他們現在是反抗我!有其他人撐腰就不需要我了,我已經給利用完了⋯沒有其他價值了⋯⋯」

文健一邊食一邊問。
「邊個撐腰?施sir?」



「沒錯,就是他⋯」
肥佬陳好憂傷咁坐返係梳化上。

肥佬陳望向兩邊無人坐嘅梳化,然後嘆了口氣。
「唉⋯以前他們倆,有什麼事都會找我,現在⋯他們倆只會跟在施老師身後⋯他們已經有兩天沒有進來找我商量了⋯⋯」

「可能佢地忙呢。」

「不用幫他們說好話了⋯」
肥佬陳講完後再不斷嘆氣,文健住係佢山洞咁耐,真係第一次見肥佬陳咁唔開心。



待續
已有 0 人追稿