「要離開這裡?我⋯我不答應!!!」
肥佬陳憤怒咁啤咗我地幾秒,然後繼續拼命咁挖掘泥土。

「陳總⋯食物已經取不回來了⋯能活下來已經很滿足了,陳總⋯不要再這樣⋯」
見到秘書Lily同凌兒仍然在阻止肥佬陳,我就無奈地搖搖頭。

嘉雯見肥佬陳嘅情況後嘆了一口氣,然後問我地。
「依家就出發?」

雪兒點點頭,然後講。


「係,個火山就係我地旁邊,所以我地要儘快離開依到。」

「我是絕對不會答應離開這裡的!」
在旁不斷挖掘山洞口泥土嘅肥佬陳,聽到大家決定要離開而感到不滿。

「咁你咪留係到囉!唔會有人求你走喎!你估自己好重要啊?」
四眼妹不屑地講。

原本面紅耳赤不斷挖掘嘅肥佬陳,聽到四眼妹嘅說話後卻停曬手,並且呆咗起嚟,然後就癱坐係地上,任由秘書Lily同凌兒拉扯佢都無反應,彷彿四眼妹嘅說話深深擊中佢嘅內心深處。



「你地依邊有無人傷亡?我地依邊齊曬人無事發生。」

高佬佳立刻點人數,然後就走到獅子狗旁邊咬耳仔,獅子狗點點頭,然後講。
「我地依邊都無人死無人傷。」

嘉雯望住周圍漆黑嘅樹林。
「咁夜入叢林會唔會太危險?夜晚啲野獸會趁黑出嚟覓食,到時殺我地一個措手不及。」

高佬佳聽到嘉雯嘅說話,即刻懶醒咁講。
「咁就簡單啦~叢林危險,咁我地去海邊啦,海邊咁寬闊,遠遠見到野獸都可以即刻掉頭跑啦~」



「仲行去海邊?你唔驚地震引發嘅海嘯啊?到時大家攬炒真係多得你唔少!」
我毫不留情咁對住高佬佳講,高佬佳聽完立刻面紅耳赤,眼神發出殺人嘅紅光。

我望向獅子狗,獅子狗一直木無表情翹住雙手望住我,令我有些少緊張,半分鐘後,佢先開口講。
「王學東講得有道理,海嘯好大機會會發生,咁我地行叢林,依家火山爆發令島上嘅動物到處逃跑,我諗應該唔會遇到猛獸,就算遇到都係逃亡嘅猛獸。」

見到獅子狗認同我講嘅嘢,高佬佳就如死狗般得低頭無講嘢。數日前大家仲係滿面笑容,如今大家臉上只有愁容,

「大家手頭上有咩物資?」
雖然我見眾人雙手空空,但都係循例問吓大家。

幾個女仔低落咁講。
「啲嘢留曬係山洞⋯⋯」



「我得幾件衫褲⋯」
一個女仔攞出幾件穿咗幾個窿嘅衫褲。

「er⋯我有部電話!不過無電⋯」
眾人裡面其中一個肥妹從褲袋掏出部電話高高舉起,部電話正面玻璃已損爛裂開,隱約可以見到電話內部。

「挑!我夠有囉!」
高佬佳不屑咁從褲袋掏出部電話,個肥妹嚇到躲入人群中。

「我⋯我有火機⋯」
紫霜躲係達叔後面說到。

達叔尷尬咁R一R個頭,然後舉起隻手,俾眾人看佢手中嘅玻璃樽。
「我有胡椒粉⋯」



「我頂你達叔,咁多樣重要嘢無攞,竟然攞胡椒粉⋯」

達叔連忙解釋。
「係依個島上面,好難得有調味料煮嘢食⋯我當佢寶物㗎⋯」

「我個旅行袋有把刀同弓箭。」
秋儀一邊摸住胸前嘅旅行袋一邊講,獅子狗同高佬佳眾人一聽到刀同弓箭後,紛紛目光都集中到旅行袋。

「我有一把槍⋯」
肥佬陳坐係一邊好失落咁講,睇嚟佢已經放棄挖掘,接受失去食物依個現實。

眾人嘅目光焦點從秋儀胸前嘅旅行袋,快速咁轉移到肥佬陳嘅身上,肥佬陳拍一拍下身凸起嘅位置。

肥佬陳真係好錫把槍,唔怪得之前入山洞偷槍個陣點搵都搵唔到,原來佢一直都戴住訓教。



我視線從肥佬陳身上慢慢移開,見到企係肥佬陳旁邊嘅秘書Lily同時望住我,佢微微一笑,然後再做噓嘅表情。

佢應該係想起個晚我入去偷槍。

「我有一啲藥。」
我擰轉頭望說話嘅人,係藍醫生嚟,佢手上攞住個急救箱,身上唔係著住醫生嘅白袍,而係著咗一套好緊身嘅運動衫,面上依然戴住個熟悉嘅口罩。

「真係嘅?藍醫生果然係最好,有藍醫生照顧我地,係我地嘅福份。」
瘋狂讚美藍醫生嘅人,係已經失蹤多日嘅MK傑,行近佢身邊,就隱約好似聞到一股屎臭味。

「不過係地震個陣,我只嚟得切攞一箱藥物,其他藥物仲係山洞裡面。」
著住緊身嘅運動衫褲嘅藍醫生真係好正,特別係條褲,完全將個臀部嘅曲線顯露曬出嚟~

係我鹹鹹濕濕望住藍醫生嘅時候,佢都望咗我一眼,不過佢個眼神十分好冷淡。



藍醫生雙眼真係好靚,好想知佢究竟係咩樣。

「我知你已經盡力嘅啦,藍醫生。」
MK傑繼續誇讚藍醫生,見佢鹹鹹濕濕嘅樣,真係想打佢幾拳。

噗!!!
可能MK傑說話大聲過頭,令肛門嘅肌肉放鬆,佢放咗一個勁響嘅屁,無幾耐就有舊黑色雞蛋般大小嘅物體從佢褲腳裡跌出嚟,嚇到眾人紛紛退後幾步。



待續
已有 0 人追稿