荒島日記（新手、後宮甜）（不定期更新）: 中年（2月15日更新）

「喂！快看那！」
「我沒有眼花吧？」
「正在走過來我們這裡⋯」
「小心啲⋯」

飛機突然外嘈吵嘅聲音，我便走出飛機外，見機外嘅眾人紛紛望去一個方向。

眾人望去嘅方向，此刻出現兩個身影，一高一矮，我望清楚啲，係兩個男人嚟，但唔係獅子狗同高佬佳。

一高一矮見到我地後，腳步便加快，轉眼間，已經走到我地面前。




一高一矮年齡應該接近中年，高嘅身形係虎背熊腰，同獅子狗一樣高大強壯，不過係個光頭佬，頭上一啲頭髮都無，佢對住眾人不斷傻笑，背後咩住個大背囊，雙手抽著兩條大魚。

而矮那一個應該係一米六左右，身形好瘦弱，頭髮十分稀疏，頭頂上只有數十條頭髮遮蓋，手上握著鐵棍，但俾人感覺就係求其打一拳就會訓低。


令我想吐槽嘅係佢地兩個嘅衣著品味，著破爛嘅發黃牛仔褲唔係問題，著格子襯衫都唔係問題。

問題係佢兩個做咩要將衣領豎曬起身⋯依啲係咩潮流品味⋯




光頭佬繼續傻笑著。
「細佬～依到有好多女啊～」

「噓！」
稀疏男對著光頭佬做了噓嘅動作。

「你地好！我叫謝發理，依個係我親生大佬謝健興！」
稀疏男對住眾人揮手。



「呵呵呵～你地好啊～我叫謝健興～」
光頭佬對著眾女不斷傻笑，嘴角不斷有口水直流。

眾女見到光頭佬嘅行為後紛紛退後數步，面上盡顯嫌棄。

光頭佬好似無察覺到眾女對佢嘅厭惡，繼續傻笑咁望住。

睇嚟個光頭佬嘅智商有啲問題。

「你地係架飛機嘅幸存者？」

光頭佬高興地指住我講。
「飛機～呵呵呵～細佬～佢地話飛機啊～係唔係講我地屋企啊～」



稀疏男好禮貌咁回答。
「唔係，我地兩個只係住係飛機裡面姐，你地係唔係雅典娜女神號嘅乘客？我同大佬興係依架郵輪嘅乘客。」

難怪駕駛室裡面會咁乾淨，如果佢兩兄弟住係裡面。

「呵呵呵～無錯啊～我地係～雅典娜女神號嘅乘客～我地係參加個⋯」
光頭佬未講完，稀疏男拉扯住佢手臂。

看著兩人嘅舉動，於是我繼續問。
「得你地兩個？無其他生還者？」

「呵呵呵～唔係啊～我地之前係係⋯」
光頭佬未講完，稀疏男再次拉扯佢手臂，唔俾光頭佬講落去。

「我地一直都係兩個人。」


稀疏男用僵硬嘅微笑對住我講。

依兩兄弟，似乎有啲嘢隱瞞唔同我地講。


「喂喂喂，你們是什麼人？從哪裡冒出來的？」
肥佬陳從人群中走出嚟。

係一眾苗條女性中走出個大肥佬，稀疏男知道肥佬陳依個人肯定唔簡單。


稀疏男語氣變得溫柔，然後用普通話回答肥佬陳。
「我們是雅典娜女神號的乘客，這是我大哥，叫謝健興，我叫謝發理。」

肥佬陳聽完皺著眉頭。


「你們普通話的口音⋯哎！你們老家是哪裡？」

「呵呵呵～細佬～佢係唔係問我地鄉下啊～我地鄉下係福唔⋯」
光頭佬未講完，稀疏男便按住佢把口，然後搶住回答肥佬陳嘅問題。
「我們鄉下在福田。」


肥佬陳雙手放後，用鼻哥窿對住稀疏男兩兄弟講。
「我叫陳總，是這裡的老大，我身後的人全都由我來管。」

聽到肥佬陳話係我地嘅大佬，稀疏男有禮貌咁點一點頭。
「你好陳總。」


肥佬陳托著下巴，圍住稀疏男兩兄弟走了兩圈。


「你們兩個想不想加入我們的大家庭？」

「想～我想啊～哈哈～」
光頭佬搶著回答。

「正所謂，國有國法，家有家規，沒有規矩，不成方圓，我們大家庭⋯⋯」
肥佬陳一邊講，一邊來回咁走嚟走去⋯⋯

過咗陣，稀疏男便問到。
「即係要將所有食物奉獻出嚟？無論收穫幾多都唔屬於自己？」

肥佬陳微微咁點頭。
「沒錯，就是這樣。」

「我願意啊～」
光頭佬對著周圍嘅女性笑著說。

「那你們以後在這裡，一定要遵從我的命令，清楚嗎？」

「清楚。」
稀疏男拉著光頭佬一齊鞠躬，以表示自己對肥佬陳嘅敬意。

「很好。」
肥佬陳點點頭，然後便離開走返去Lily嘅身邊。



待續