荒島日記（新手、後宮甜）（不定期更新）: 番外篇：關係1.4

小月見天色已晚，便留住Angel係到住一晚，Angel原本唔肯，但小月用有好多心事想同Angle傾，Angle先肯留低。

「小月，原來你間房個廁所咁靚㗎？」
Angle係主人房嘅玻璃浴室裡讚嘆不已。

「專心沖你個涼啦。」

「唔得！我要試下個浴缸。」

「好嘅好嘅。」


小月幫Angel放滿浴缸嘅水後，便走返上張床玩手機。

小月不斷翻看手機相冊裡嘅照片，由最近影嘅到劉樂啱啱出世嘅相。

雖然一直以嚟佢獨自一個湊劉樂，但佢一點都唔覺得辛苦，反而覺得劉樂個出世，令佢感到開心。

「睇嚟要幫兩兄弟影多啲相。」
看著劉樂係小明懷抱裡吐舌嘅相，小月開心地笑了。

「如果叔叔仲係到，見到樂樂會唔會好開心呢？」


小月把相冊嘅照片翻看更早的日期。

「係依張啦。」
小月手機屏幕顯示嘅相片，係小月同大衛劉唯一嘅合照⋯⋯




「叔叔，你睇下個海，金黃色㗎～」
小月指著夕陽下嘅大海。



大衛劉喘著氣咁跟上嚟，然後無曬力氣咁癱坐係沙灘上，小月見到大衛劉嘅樣後搖曬頭，然後走上前拉扯大衛劉隻手。
「我地游下水啊，個海咁靚。」

「小月⋯求下你放過我啦⋯叔叔年紀大啦⋯你再叫我做運動⋯我會死㗎⋯」
大衛劉哀求著小月唔好再扯佢。

今日嚟到長洲，小月就好興奮咁同大衛劉行街，然後求其搵咗間餐廳食嘢後，就拉住大衛劉去踩單車。

對於大衛劉依啲長期唔做運動嘅人，聽到踩單車就撒手擰頭，但小月苦苦哀求，並且擺出可憐嘅樣，大衛劉最後都係心軟。

於是出現依家嘅情況。


「叔叔，游下啦，一掂到海水乜嘢疲勞都無曬嘅啦。」



「叔叔真係唔得啦⋯你自己玩啦⋯」
大衛劉直接訓係沙灘上。

「咁好啦⋯」
小月除低件衫同熱褲，露出準備咗好耐嘅比基尼泳衣。

小月著上依件咁少布嘅比基尼，吸引唔少男人嘅目光，而大衛劉已經攰到無心情去欣賞小月，戴上太陽眼鏡後無耐，就發出好似豬叫般的鼻鼾聲。



唔知訓咗幾耐，大衛劉睜開雙眼，朦朦朧朧咁見到有個細路，正在用啲沙將佢嘅身體活埋，只露出大衛劉頸部以上。

大衛劉坐返起身伸個懶腰，細路見到佢已經醒後，便快跑離開沙灘，日落西山，沙灘已經烏黑一片，周圍空無一人。



「小月，係時候去食嘢啦～」
大衛劉企起身，用手拍一拍身上嘅沙，再懶洋洋咁講。

無人回應大衛劉，只有海風不斷吹著，大衛劉對著大海大嗌。
「小月！要走人啦！」

仍然無人回應大衛劉，大衛劉望著漆黑一片嘅大海，吹著陰深寒冷嘅海風，開始感到有些不妙。

「小月？小月？」
大衛劉環顧四週，完全唔見小月個蹤影。

一波海浪沖到接近大衛劉嘅腳下，比日頭嘅時候遠了數米，睇嚟係夜晚令海水潮漲，變得更加洶湧。

大衛劉想搵人問吓有無見過小月，佢回頭一望，見到原本離開咗嘅細路，個細路指住大海，然後講。
「啱啱有人嗌救命。」



「乜嘢話？」
大衛劉聽到細路嘅說話後，一邊除衫褲，一邊快跑衝向大海。

「唔洗驚啊小月！我嚟救你！」
大衛劉用自由式游想大海，左右不斷咁望尋找小月嘅蹤影。

游咗數分鐘，仍然唔見小月嘅蹤影，大衛劉開始焦急不安。

「係個邊啊！個邊啊！」
個細路對著大海中嘅大衛劉大嗌。

「個邊即係邊到啊？」
大衛劉不斷尋找細路所講嘅位置。



「叔叔！！」

聽到小月個聲音。
「小月？小月！你係邊啊？我嚟救你！」

「我係到啊⋯」

大衛劉擰轉身，見到小月企咗係沙灘上驚訝咁望住佢，小月穿著整齊嘅衫褲，手中握住串大魚蛋。

大衛劉游返上沙灘，然後對著已經躲到馬路上嘅細路咆哮。
「死𡃁仔！我係你老竇打死你！！」

個細路聽到後對大衛劉做鬼臉，大衛劉嬲到衝了過去，但俾沙灘上嘅石頭絆倒，大字型咁趴係沙灘上。

「肥佬肥佬肥騰騰～買舊豬肉去拜神～行到半路屎忽痕～」
細路見大衛劉絆倒後高興地哼著。

「死𡃁仔！！！」

個細路未等大衛劉企返身，已經跑向一邊，好快消失的無影無蹤，大衛劉企返起身後想去追個細路，點知小月攬住咗佢。

「算啦叔叔。」
小月攬實大衛劉，係大衛留耳邊講。

大衛劉隨後冷靜下來，無再諗住去追個細路，兩人就靜靜咁企係沙灘上，直到大衛劉個肚發出咕嚕嘅肚餓聲。

「我地去食嘢？」

「好啊，但係你要返去沖個涼先。」
小月微笑著指著大衛劉嘅身軀，由於大衛劉啱啱衝咗落海，所以佢成身都粘滿啲沙石粒。

大衛劉著返衫褲，然後兩人便走返去度假屋嘅方向⋯⋯



待續