荒島日記（新手、後宮甜）（不定期更新）: 叛徒.一

突然感覺自己呼吸好困難。

我乜嘢都睇唔到⋯

點解周圍漆黑一片⋯

究竟發生乜嘢事⋯

依到究竟係邊到嚟⋯點解我乜都睇唔到⋯



啊⋯我就嚟透唔到氣⋯

再咁落去我會死⋯



「呵⋯呵⋯呵⋯」
我睜大雙眼，終於從夢中驚醒。

我抬頭一看，見到辣椒妹攬實我熟睡，佢將我個頭部攬到佢胸口，令我差啲係佢心口窒息⋯



洗唔洗攬得咁緊⋯

我費盡九牛二虎之力，先解得開辣椒妹雙手。

我坐起身抹走額頭上嘅汗水，忽然感覺到有些異樣。
「乜嘢味嚟？」

點解好似聞到有股騷味。




「喂，大陸仔！」
四眼妹走咗過嚟。

「早晨四眼妹。」

「早晨！」
四眼妹望向我受傷嘅位置。
「咦？個傷口好返咗好多？」

我輕輕地郁動手臂。
「ok喎！睇嚟尋日藍醫生搵返嘅山草藥有啲功效，係呢？藍醫生呢？」

「藍醫生佢地食完嘢後又再去搵草藥，你老婆雪兒又跟埋去，睇嚟雪兒好似有啲興趣做醫生。」



「藍醫生唔係西醫嚟嘅咩？對啲草藥都咁有研究？」

「依個我就唔清楚喇，你要問吓佢。」

我左望右望，唔見達叔等人。
「係呢？達叔去咗邊？」

「達叔佢一朝早就去陪老婆，話咩去河邊散步散吓心咁話。」
突然四眼妹坐低，然後係我耳邊用勁姣嘅聲音講。
「我估佢地係去河邊玩鴛鴦浴，大陸仔，有無興趣去睇？」

「癡線⋯有咩好睇⋯」

四眼妹繼續用色瞇瞇嘅眼神望住我。
「超，你咁鹹濕，仲以為你會去裝吓佢地。」



「癡線⋯」

四眼妹企返直個人，佢望向我旁邊熟睡嘅辣椒妹數秒，便走返去佢女伴嘅位置。



兩個鐘前



「四眼妹，今日你想去河邊捉魚，定係去叢林裡面捉野雞？」
達叔一訓醒便走到四眼妹身邊。

四眼妹猶豫咗一陣。


「我⋯我今日陪唔到你去打獵。」

聽到四眼妹唔去，達叔感到有些失望。
「吓⋯點解⋯」

「因為我有啲事要做。」
四眼妹托一托副眼鏡。

「咁⋯咁好喇⋯」

「阿達，乜嘢事啊？」
見到達叔唔開心嘅樣，達叔嘅女伴便走過嚟關心。

達叔嘆了口氣。
「無，四眼妹話今日唔得閒同我地去打獵。」



「哦！咁我地⋯⋯」
達叔嘅女伴係達叔耳邊細聲說到。

達叔聽著聽著，突然瞪大雙眼，塊面瞬間充血變得通紅。
「真⋯真係嘅？」

達叔女伴點點頭。

達叔好興奮咁拉住佢女伴隻手。
「咁小艾，我地帶唔帶埋瑩瑩同紫霜去？」

「你想嘅，咁就大家一齊去。」
達叔女伴小艾說著。

達叔幻想著等陣嘅情形，開心到不斷地傻笑著，同光頭佬嘅傻笑十分相似。

於是達叔同佢嘅女伴食完早餐後，紫霜好似有啲唔舒服，所以留咗係到，而達叔其餘三人便前往河邊嘅方向。




四眼妹托一托副眼鏡，一直沈默不語，好似係到思考幹啲咩。

噠⋯⋯噠⋯⋯噠⋯⋯

「乜嘢聲？」
突然聽到噠噠噠嘅聲音。

噠⋯噠⋯噠⋯噠⋯噠⋯

依啲聲音好似以前係邊到聽過，十分熟悉，聲音係叢林裡面傳過嚟，而已仲愈嚟愈接近我地。

噠噠⋯噠噠⋯噠噠⋯

我同四眼妹互相望著，我地終於認得出依啲聲音。
「係馬跑動嘅聲音！！」

噠噠噠！噠噠噠！噠噠噠！

一個飛快嘅身影從叢林裡跑過，叢林裡因佢嘅奔跑而塵土飛揚，唔夠數秒，便煞停係我地眾人面前。

一個騎著啡色馬匹嘅男人望住眾人，我地俾佢突然嘅出現吓到呆曬係到無反應。

「看來你沒有說謊。」
那個騎著啡色馬匹嘅男人向背後說著。

「當然喇！」
高佬佳得戚地從馬匹上跳下，然後向眾人介紹騎馬嘅人。
「大家，同你地隆重咁介紹吓，依位大哥叫馬奇，係我同傑少係森林裡面迷路嘅時候遇到嘅人。」

「馬⋯竟然有人騎馬⋯」
四眼妹驚訝地望住馬匹和馬匹上嘅人。

此刻只見到高佬佳同騎馬嘅馬奇之外，並唔見MK傑嘅蹤影。
「MK傑呢？」

一講曹操，曹操就到。一架馬車從叢林裡駛出，你無睇錯！係馬車！古時候嘅代步工具馬車竟然會出現係荒島！

原本見到有人騎馬，我地就已經驚訝不已，依家連馬車都出現係眾人面前，我地唔敢相信自己雙眼睇到嘅事物。

馬車上嘅戴帽男人拉停架馬車後，MK傑便從馬車上走出嚟，隨後馬車內亦走出兩個彪悍嘅男人。

兩個彪悍嘅男人看到眾人後，立即擺出副笑容，但令我感到十分不自在。

高佬佳亦緊接著介紹。
「依位係標哥，依位係力哥，都係馬奇哥啲朋友嚟。」

咬著樹枝走過嘅稀疏男見到佢地幾個後，便嚇到腳軟跪地。
「大⋯大⋯大撚鑊⋯」

彪悍嘅標哥同力哥見到我地好似發現獵物一樣，雙眼一直盯著唔放。

馬奇從馬匹上躍下，環顧四週一遍，便叉著腰露出奸狡嘅笑容。
「好，狩獵要開始了。」



待續