荒島日記（新手、後宮甜）（不定期更新）: 叛徒.六

肥豬劉看著眼前嘅MK傑，緊張地講嘢變得斷斷續續。
「阿傑⋯阿佳⋯我地唔係兄弟咩？做咩要綁起我⋯」

MK傑狠狠刮了一巴肥豬劉，巴掌聲大到如雷貫耳。
「兄咩弟啊？同你好撚熟啊？死肥仔！」

肥豬劉見MK傑咁對佢，便激動地講。
「阿傑！你係唔係忘記咗！我地曾經一齊出生入死！大家互相扶持先生存到依家！我一直將你同阿佳當親細佬咁睇！」

MK傑無情地再次刮了肥豬劉一巴，肥豬劉此刻左右面上都有深紅色嘅掌印。


「親細佬？當我地係契弟咁恰啊嘛？」

突然不知哪個女仔大嗌著。
「陳總！快啲用槍射死依幾條友！」


真係一語驚醒陳奐仁！係喎⋯肥佬陳有槍嘅喎！


「槍？」


馬奇和佢啲同伴聽到肥佬陳有槍，立即望向肥佬陳方向。

MK傑嚇了一跳後立刻走到馬奇旁邊。
「係啊⋯個死肥佬係有槍㗎⋯當初我地遇到隻野豬⋯全靠死肥佬支槍射死⋯」

馬奇用手敲了一下MK傑個頭。
「你怎麼不早點和我說！！阿力阿標，他說這個人有槍。」

彪悍男人阿力同阿標聽到肥佬陳有槍，兩人嘅額頭瞬間佈滿汗水。



啲女仔繼續嗌著。
「陳總！射死佢地！當佢地好似野豬咁射就啱喇！」

「沒錯！快射死他們這些混蛋！」

「殺咗佢地班仆街！」

馬奇等人俾眾人嘅聲音嚇退了一步，突然馬奇指住一直挨係肥佬陳身後嘅秘書Lily。
「他們在幹嘛？」

馬奇望咗一陣後才察覺。
「她⋯她是在掏槍⋯快！快對付她！」

彪悍男人阿力和阿標聽到後，立即奮不顧身撲向肥佬陳同秘書Lily方向，把緊貼著嘅兩人推開。



彪悍男人阿標打了一拳肥佬陳。
「你老味！竟然想用槍射我地？」

「我沒有⋯」
肥佬陳痛苦地說。

「仲敢狡辯？」
彪悍男阿標再一拳打肥佬陳，痛到肥佬陳眼淚鼻涕都湧出嚟。

「別打陳總了⋯別打陳總了⋯求求你們別再打陳總了⋯一切都是我的主意⋯」
秘書Lily緊貼著挨係肥佬陳身上，其實係想幫肥佬陳解綁。

「別理她！先把他吊起來！」
馬奇命令著，於是肥佬陳亦都被綁起吊掛係樹下。



「死肥佬！唔好亂郁啊！」
MK傑殷勤地走過去搜索肥佬陳身體。

搜索咗成分鐘，終於係肥佬陳誇下嘅位置搜出把手槍出嚟，MK傑攞起支槍交到馬奇嘅手上。
「馬奇哥，依支就係佢用過把槍喇。」

馬奇拎起把槍，感覺到把槍嘅重量同質感。
「不錯不錯，得確是一把好槍。」


唉⋯連肥佬陳支槍都係佢地手上⋯就算獅子狗趕返嚟都無用喇⋯


馬奇繼續欣賞著肥佬陳把槍，仔細咁觀察槍身、槍管，然後按出彈匣。
「欸？怎麼沒有子彈？」



眾人立即望向肥佬陳，MK傑再次殷勤地上前搜索肥佬陳全身，搜索咗幾分鐘，仍然搵唔到子彈收埋係邊。

MK傑狠狠地打了一拳肥佬陳。
「死肥佬！究竟將啲子彈收係邊！」

「我沒有藏起來⋯我沒有⋯」
肥佬陳痛哭地回答。

「死肥佬！好快啲講！」
MK傑不斷地拳打腳踢，誓要肥佬陳講出子彈收埋係邊先肯收手。

「求求你放了陳總⋯求求你們⋯」
秘書Lily見肥佬陳不斷俾MK傑打，便苦苦哀求MK傑同馬奇。



MK傑並無理會秘書Lily，對著肥佬陳不斷地揮拳，肥佬陳猶如沙包一樣不斷地左搖右擺。

「別打了⋯別打了⋯我說⋯我說⋯」
見肥佬陳終於肯講，MK傑才停下手。

肥佬陳慢慢低下頭，身體不斷顫抖。
「其實⋯子彈⋯早就用光了⋯」

「你講咩話？我聽唔清楚！」
由於肥佬陳講的實在太細聲，連企係佢前面嘅MK傑都聽唔到佢講咩。

肥佬陳深深吸了一大啖氣。
「我說！子彈早就用光了！」


吓？子彈早就用曬？我無聽錯啊嘛？


「你講大話！！」
MK傑再次對住肥佬陳拳打腳踢。

MK傑打咗兩三分鐘後停下手腳，肥佬陳哭求著MK傑。
「求求你別再打了⋯我真的沒騙你⋯子彈真的早就用光了⋯那天野豬衝進來的時候⋯我就把所有子彈都用光了⋯」

MK傑捉住肥佬陳嘅頭髮扯起佢。
「你老母！！！咁你未一直以嚟用無子彈嘅槍恰我地威脅我地？」

「對不起⋯真的對不起⋯」
肥佬陳鼻涕眼淚不斷流下。


唔怪得隻黑熊襲擊我地嘅時候，肥佬陳一直都唔肯開槍喇，原來係無子彈。

咁我未一直都好傻仔⋯一直俾佢用把無子彈嘅槍威脅住⋯


「啊⋯求求你⋯別再打了⋯啊⋯」
肥佬陳俾MK傑用球棒打到痛哭起嚟，MK傑將一直以嚟因肥佬陳而埋藏係心裡面嘅怒火通通發洩出嚟。

「陳總⋯陳總⋯」
看著肥佬陳不斷捱打，秘書Lily早已哭成淚人。

肥佬陳嗌到好似豬叫聲咁，係飛機殘骸範圍內不斷迴響。

我望向另一邊被綁住吊起嘅肥豬劉，此刻佢已經被嚇到身體瑟瑟發抖，褲頭更濕了一大片⋯



待續