荒島日記（新手、後宮甜）（不定期更新）: 再見.四

———現時———


———香港———



雪兒爸爸林業因博士獨自一人走到中環海旁外，抬頭看著依幾年發展迅速嘅企業大樓，林國企業香港分部⋯

而林國企業大樓嘅最頂層，此刻有兩個男人在享受著美酒佳餚。



「嚟，飲杯。」
林總高舉著小酒杯。

「飲杯。」
在旁嘅男人和應著，然後把小酒杯裡嘅燒酒一飲而盡。

由於小酒杯嘅燒酒度數甚高，令男人嘅喉嚨如被火燒一樣，男人難受地發出嗤嗤嘅聲音。

看著男人皺曬眉頭嘅樣，林總便笑說著。


「睇嚟師兄飲唔慣啲燒酒喎。」

男人摸著自己發熱嘅喉嚨。
「飲多幾次就慣嘅喇⋯」

林總滿意地點點頭。
「咁就好，上面啲人好鐘意飲依啲酒，師兄習慣好之後，我帶你上去認識吓佢地。」
林總再倒酒俾這個男人。

「好！」


男人皺了眉頭望了數秒酒杯，然後再次一飲而盡。

男人望一望空曠嘅房間。
「無見師弟一排，估唔到已經發展到有聲有色，成為一流企業家。」

「我都只不過係識賺啲臭錢姐，邊似師兄你做咁有意義嘅工作。」
說罷，林總再次倒酒到男人酒杯裡。

啪啪！

門外傳來敲門嘅聲音。

「入嚟。」
林總一講完，一位婀娜多姿有前有後嘅秘書便行入嚟。



俏麗動人嘅秘書隨即對著兩人鞠躬，然後走到林總旁彎下腰在耳邊細聲說到。

在旁嘅男人瞪大雙眼看著係佢面前彎下腰嘅秘書，然後目光由秘書嘅胸部慢慢轉向下半身，看著這對修長嘅美腿，男人情不自禁地吞下口水。

林總聽秘書說話後點點頭，在旁男人目光一直對著秘書，秘書微笑對著男人鞠躬，然後慢慢走出門外關門。

林總看著在旁嘅男人目光後。
「我秘書Apple ok嘛？」

在旁男人才回過神來。
「咩apple ok？」

「我話，我嘅秘書Apple ok嘛？」

「你秘書？ok啊，師弟勁啊，搵到啲咁靚咁後生嘅女仔返嚟做秘書。」


說著說著，男人便淫笑著。

「都唔夠你之前幫我搵個啲正。」
林總也淫笑著。

「我個啲點同呢。」
男人又再一飲而盡，然後又難受地皺曬眉頭。

一分鐘後，門外再次傳出敲門嘅聲音，林總放聲後，房門隨即打開。

「多謝。」
雪兒爸爸林業因博士好有禮貌地感激秘書嘅傳話和帶路，然後走入房內後鞠躬。
「你好。」

看到梳化上有個男人後，林業因博士有些尷尬地說到。


「原來你有客人，真係打攪曬⋯」

林總有些不滿地望著林業因博士。
「林博士，咁夜上嚟搵我有咩事？」

「我上嚟⋯」
林業因博士雙眼一直注視著在旁嘅梳化上嘅男人。
「依位係⋯成校長？」

原本正在談笑風生嘅男人聽到對方認識自己感到驚訝，佢無諗到林總嘅朋友竟然會認識佢依位區區中學嘅校長。

林業因博士走到成校長面前，然後伸手握著成校長雙手。
「我係6B班林雪兒嘅爸爸，成校長。」

「er⋯你好⋯林雪兒爸爸⋯」


聽到係自己間學校學生嘅爸爸，成校長瞬間緊張地滿頭大汗。

「點解成校長你會係到？」
林業因博士疑惑地望住成校長。

「係因為⋯」
成校長剎時間唔知點回答好，並且一直迴避林業因博士嘅眼神。

林總看如此情形便突然說到。
「成校長，你唔係要趕住返屋企咩？」

成校長聽到後拼命點頭。
「係啊係啊⋯已經好夜⋯我要趕住返屋企⋯林總⋯日後再聯絡⋯」

成校長講完，便好似做了虧心事般身體哆哆嗦嗦咁離開房間，留下林總和林業因博士兩人在房裡。

看著成校長離開後，林業因博士便問到。
「點解成校長會係到⋯」

對於成校長出現係到，林業因博士感到十分不解。

「佢係我大學嘅師兄嚟。」
林總一邊解釋，一邊收起檯上嘅燒酒。

「大佬⋯」

林總伸手拒絕，然後坐到大班椅上。
「林博士，你都係叫返我做林總好喇。」

「大⋯林總⋯求吓你幫我搵返雪兒⋯已經半年喇⋯其他人都叫我放棄⋯但我相信⋯雪兒一定仲在生⋯林總⋯我求吓你幫我⋯真係得你可以幫到我⋯」
林業因博士對著林總求著。

「我點解要幫你。」
林總冷漠地說到。

「林總⋯我得依粒女⋯而且雪兒係你親姪女嚟⋯求吓你幫我啊⋯」
林業因博士求著求著，淚水開始從眼眶掉下。

林總仍然冷漠地說到。
「兩年前我已經講得好清楚，大家脫離兄弟關係，以後大家互不相干。」

林業因博士哭求著。
「你唔幫我⋯就當係幫美琴⋯美琴佢得雪兒依粒女⋯雪兒有咩事⋯以後我點敢去同美琴交代⋯」

原本平靜嘅林總聽到美琴依個名後，便開始變得憤怒，一嘢把檯上嘅裝飾品用手背全部掃到地上。

房間聲音響亮到門外嘅秘書衝咗入嚟，看到勃然大怒嘅林總後嚇到身體哆嗦。

林總憤怒地雙眼望向衝咗入嚟嘅秘書。
「Apple你出返去先！」

「係⋯」
秘書Apple快速地關上門離開。

林總憤怒地指著正在哭求嘅林業因博士。
「林業因！見到你依家求我嘅樣真係諷刺！」



待續