荒島日記（新手、後宮甜）（不定期更新）: 再見.六

我地連夜趕路，係雷門進一嘅帶路下，已經走到森林遠處嘅一座山腳下。

「要不我們休息一下？」
肥佬陳喘著氣說到。

「好提議。」
如果可以，我想舉雙腳贊成。

我二話不說，直接大字型咁訓係地上，三女亦攰到坐係我旁邊。



我地連夜趕路數日，每日只係訓四五個鐘就要趕路，每個人都睡眠不足，紛紛癱訓係地上。

就連一直鐵人般嘅獅子狗，都立即係地上盤腿就坐，並閉目養神，唔浪費任何休息嘅時間。

「唔該曬你，光頭佬。」
我對著光頭佬說到。

由於我傷勢嘅問題，所以昏迷中嘅達叔由光頭佬背著，而裝滿山草藥嘅竹籃，就交由我背著。

「哈～唔洗客氣～」


光頭佬慢慢咁放背後嘅達叔到地上。

雖然光頭佬笑著說，但我睇得出光頭佬無剛認識佢時咁開心，咁又係，佢細佬稀疏男嘅死⋯對佢嚟講係幾大打擊⋯

「大佬⋯陳總⋯施sir⋯」

突然聽到山上傳來微弱嘅人聲後，我地眾人紛紛互相對望著。

「大佬⋯⋯陳總⋯⋯施sir⋯⋯」



「這聲音，好像是文健。」
秘書Lily認出係文健嘅聲音。

原本訓係地上嘅肥佬陳，一聽到係文健後，便坐咗起身有些不爽地說。
「這臭小子，那一天我們給襲擊，他就一個勁的往森林裡跑了，原來跑到這了。」

「咁洗唔洗搵人過去睇吓？」

肥佬陳躺睡在秘書Lily大腿上。
「別急，好好休息一下，反正他聲音傳來的方向正好是我們要走的路。」

有道理，咁我繼續訓係到休息下。

於是大家無理會文健嘅呼喚，係原地繼續休息，十分鐘後，便向著文健聲音嘅方向，山頂上進發。



眾人吃力地向上行，肥佬陳攰到行路變的有些搖晃，我地後面嘅人見到後紛紛走向兩邊，萬一肥佬陳跌倒向後滾動，我地就會好似保齡球樽咁俾佢撞跌。

「快累死我了⋯我快不行了⋯」
滿頭大汗嘅肥佬陳好似狗仔咁吐著舌頭散熱。

原本行係前面嘅秘書Lily立即回到肥佬陳嘅身邊。
「加油陳總，很快就到了。」

「這⋯這幾天⋯已經做⋯做完我一年的⋯運動量了⋯」
肥佬陳按著兩邊膝頭喘著大氣。

「進一說過完這座山就到了，陳總。」
秘書Lily在旁幫肥佬陳用手撥涼。

「大佬⋯陳總⋯施sir⋯」



文健嘅呼喚聲比之前大聲清楚咗，睇嚟我地嘅距離愈嚟愈接近。

直到我地行到接近山頂嘅其中一棵大樹前。

「大佬⋯陳總⋯施sir⋯」
樹上傳嚟文健嘅聲音。

獅子狗拍打著這棵結實嘅大樹。
「依棵樹應該有幾百歲。」

依棵大樹生的俾其他樹更茂盛，分枝眾多，將周圍樹木嘅陽光都霸佔埋。

我向上望去，離地四五米嘅樹幹上見到文健嘅身影，佢坐係粗壯嘅樹枝上，雙手緊緊攬實樹幹。



「文健，文健。」
秘書Lily叫著文健。

文健好似聽唔到秘書Lily嘅聲音，仍然不斷重複呼喚我地個說話。
「大佬⋯陳總⋯施sir⋯」

「文健，我是Lily啊。」
秘書Lily繼續叫著文健，但文健依然無聽到，繼續重複著對我地嘅呼喚聲。

「似乎係餓到佢有啲神智不清。」
獅子狗看著樹上嘅文健冷冷說到。

肥佬陳皺了一下眉頭，然後向著文健方向怒吼著。
「文健！！！」



「啊啊係！！！」
原本神智不清嘅文健俾肥佬陳嘅怒吼嚇到找回三魂七魄。

文健望向樹下嘅眾人後感動落淚。
「大佬⋯陳總⋯施sir⋯可以見返你地⋯實在太好喇⋯」

「你他媽快給我下來！！！」
肥佬陳繼續怒吼著。

文健顫抖地說到。
「我⋯我畏高⋯」

吓⋯你畏高⋯你畏高係點樣爬上依棵樹㗎⋯

肥佬陳聽到更加大火氣。
「臭小子！！！快給我下來！！！要不就別怪我們把你留在這！！！」

「唔好留低我⋯」
最後文健鼓起勇氣慢慢咁爬落嚟，但無幾耐就以屁股著地跌咗落嚟。

文健痛苦地摸著屁股，我看著餓到面青口唇白嘅文健。
「你都算犀利，一個人跑到嚟依到。」

文健正想開口說話，俾肥佬陳一隻手從後擰著文健嘅頸部，俾佢牽住行。
「臭小子！看到我們被綁就自己一個人逃跑！這筆帳！我以後慢慢跟你算！」

獅子狗拍一拍手讓眾人望向佢。
「好喇，大家唔好再浪費時間，我地越過座山，就會到達進一居住嘅地方。」

文健聽完便瞪大雙眼激動地大嗌。
「哦⋯係喇！！！」

肥佬陳用力拍打文健嘅頭部。
「你這臭小子突然大喊大叫什麼！」

文健摸著俾肥佬陳打嘅位置說到。
「因為我見到個𡃁仔所講嘅地方⋯」

於是我地繼續行上山頂，到咗山頂後，文健指著山下方向。
「你地睇吓⋯」


文健指著山下不遠處，

茂密嘅叢林後便是一片沙灘，

而靠近一片沙灘嘅近海上，

擱淺著一架郵輪。



雅典娜女神號



待續