荒島日記（新手、後宮甜）（不定期更新）: 隱密.三

第二日。


「大陸仔！大陸仔！」


我抬頭望去聲音個方向，見到辣椒妹坐係個小木船不斷同我揮手，原來佢睇到我地炭火產生嘅白煙確認我嘅位置，便帶住船夫阿伯嚟搵我地。


「辣椒妹⋯辣椒妹！」


我高興地不斷揮手。


架木船靠近到沙灘位置，辣椒妹便從木船上跳落嚟，然後向住我飛奔過嚟，張開雙手撲倒我。


「你做咩尋晚唔返嚟啊，要我地擔心成晚，都唔知你係唔係出咗事。」
辣椒妹緊緊攬住我說到。




我摸著辣椒妹嘅秀髮說到。
「依家未安全囉，係呢？雪兒同秋儀呢？」


「你睇吓個阿伯。」
辣椒妹指一指身後嘅船夫阿伯，我望了一眼船夫阿伯嘅樣，滿頭大汗嘅佢正在喘著大氣。


咁我明喇，淨係辣椒妹一個乘客都撐到滿頭大汗，如果要載埋雪兒同秋儀佢兩個，船夫阿伯一定會攰到虛脫。




辣椒妹從船上拎出我嘅衫褲。
「大陸仔，你啲衫褲。」


「今次最叻係你。」
我快速地穿著衣服。


辣椒妹此刻先望到沙灘上嘅萬天天，然後佢望住我問到。
「大陸仔，佢係邊個嚟。」


「我叫萬天天，不過估唔到，你咁樣嘅人竟然會有女朋友。」
萬天天對於辣椒妹同我一齊感到不解。




你乜嘢意思啊！即係睇唔起我啊？


雖然好想講出嚟，但費事同你嘈。


突然辣椒妹嘆了口氣。
「其實雪兒同秋儀都想嚟，不過尋晚郵輪發生咗啲事⋯所以佢地唔方便跟埋嚟。」


見辣椒妹不安嘅樣，我便有些緊張地捉住辣椒妹問到。
「尋晚發生乜嘢事？」





返到嚟郵輪，我便快速跑到郵輪嘅醫療室，打開醫療室大門，便見到唔少人企咗係醫療室裡面，包括主管子傑、霞女士等等。


「這小子是誰？」
裡面一個身穿迷彩軍服嘅阿伯望了我一眼，而佢身後兩個細路亦望住我。


「嚟搵雪兒？」
說罷，我終於見到眾人裡嘅藍醫生，佢有些少面青口唇白，而佢右手嘅位置包紮著厚厚嘅紗布。


「大陸仔？」
雪兒見到我出現，便二話不說好似辣椒妹一樣緊緊攬住我。




「你無事啊嘛？」


「我邊有事，你有無事就真，失蹤咗成個晚上。」
雪兒好認真咁檢查我身上有無受傷。


眾人聽到我失蹤咗成晚便疑惑地望住我，藍醫生見大家嘅眼神便立即講。
「唔係佢，個男人嘅樣，我尋晚睇得好清楚。」


藍醫生講完，眾人便無再用那個懷疑嘅眼神望住我。




我環顧四週，見醫療室內凌亂不堪，藍醫生隻手又受咗傷，面上又有瘀血腫脹。
「藍醫生，尋晚發生乜嘢事？」


「尋晚有人想刺殺藍醫生。」
主管子傑一開口，醫療室內嘅眾人便望向主管子傑，主管子傑翹起雙手望想藍醫生。
「依件事，都係藍醫生同大家詳細講下個案發經過。」


藍醫生慢慢坐係病床上。
「尋晚好夜嘅時候，我整理好啲文件，準備關醫療室嘅大門，點知有個著黑色雨衣嘅男人衝咗入嚟，然後攞出把匕首⋯⋯



「你想點⋯」
見到眼前嘅黑色雨衣男人亮出匕首，藍醫生便更加緊張。


黑色雨衣男人並無回答藍醫生，只係一直咁對住藍醫生發出笑聲。
「嘻嘻嘻⋯嘻嘻嘻⋯」


藍醫生聽到雨衣男人嘻嘻笑聲便起雞皮疙瘩，心跳不斷地加速。


突然雨衣男人舉起匕首撲向藍醫生，藍醫生用盡全力把整張檯推去撞雨衣男人，然後快速跑到醫療室裡面。


雨衣男人迅速跳上辦公檯上，看著在醫療室內拼命逃脫嘅藍醫生，發出更強烈更尖銳嘅嘻嘻笑聲，好似個瘋癲嘅人一樣。


「嘻嘻嘻！嘻嘻嘻！」
雨衣男人好似幾開心，企係辦公檯上不斷地跳動。


藍醫生把醫療室內能砸嘅東西都砸向雨衣男人，雨衣男人便不斷地躲避，看到藍醫生驚恐嘅模樣便笑得咁大聲。
「嘻嘻嘻！嘻嘻嘻！」


雨衣男人收起匕首，然後從檯上跳落衝向藍醫生，藍醫生見避無可避，立即握著水杯打向雨衣男人。


雨衣男人一手便捉住藍醫生嘅水杯掉到一邊，然後用力捉住藍醫生雙手，藍醫生立即起腳不斷踢雨衣男人。


「嘻嘻嘻！」
雨衣男人趁藍醫生起腳踢嘅時候，一腳踢向藍醫生站立嘅歌隻腳，藍醫生隨即失去平衡倒地。


「放開我⋯」
藍醫生拼命掙扎，但雨衣男人死死地壓住佢，雙手亦俾佢用力地捉住。


雨衣男人用力壓住藍醫生，令到藍醫生動彈不得，然後佢慢慢挨向藍醫生，好似狗仔咁不斷聞藍醫生。


雨衣男人猙獰嘅面孔令到藍醫生唔敢望佢，於是藍醫生擰轉面，雨衣男人聞咗一陣，然後用佢長如蛇一樣嘅舌頭舔向藍醫生嘅臉頰。


雨衣男人突然用舌頭舔藍醫生，讓佢感到害怕又噁心。


藍醫生突然想起，於是佢趁雨衣男人無注意，用膝頭哥狠狠撞向雨衣男人嘅下體，雨衣男人隨即鬆開藍醫生雙手，有些痛苦地摸著下體。


藍醫生快速起身準備逃離，雨衣男人狠狠一拳打向藍醫生個頭，藍醫生被打趴到地上吐出鮮血。


藍醫生想用力爬起身，雨衣男人從後一腳狠狠踢落藍醫生嘅背部，再連踢數腳，藍醫生痛到差啲失去知覺。


「嘻嘻嘻！」
見藍醫生無力掙扎，雨衣男人再次發出尖銳恐怖嘅笑聲。


「救⋯救命⋯」
藍醫生虛弱地趴在地上，看著雨衣男人逐漸走近到佢身邊。


雨衣男人蹲下身望住藍醫生，佢用手輕輕拍打藍醫生嘅臉頰，見藍醫生毫無反應，佢便從後掏出匕首，在藍醫生手背上划了一刀。


「啊⋯⋯」
原本就快失去知覺嘅藍醫生，因為手背上痛楚而瞬間清醒。


「嘻嘻嘻！！嘻嘻嘻！！」
見藍醫生痛苦嘅表情，雨衣男人便笑得更加瘋癲，並且不斷地跳動著。


「放過我⋯放過我⋯」
藍醫生哭求著雨衣男人放過佢。


雨衣男人摸向藍醫生嘅臉頰，用手抹走藍醫生嘅眼淚，然後再慢慢扶起藍醫生坐係地上，突然佢一巴車落藍醫生塊面，藍醫生再次被打趴到地上。


「嘻嘻嘻！！嘻嘻嘻！！！」
見藍醫生俾佢打到嚎啕大哭，雨衣男人笑得比剛才更瘋癲，更瘋狂，在原地不斷大跳大吵著。


雨衣男人用腳踩在藍醫生身上，藍醫生用頭髮遮擋自己大哭著，佢由細到大都未俾人如此對待過。


雨衣男人捉住藍醫生嘅頭髮，然後扯住藍醫生頭髮將去扯到一邊牆角，藍醫生捲縮到牆角痛哭著。


「嘻嘻嘻！嘻嘻嘻！」
雨衣男人舉起拳頭準備打向藍醫生。


啪嗒！！！


原本係醫療室內陪住達叔而訓著嘅紫霜，此刻正握著餐盤打向雨衣男人嘅頭部，雨衣男人痛到摸著自己個頭。


雨衣男人被打到頭破血流，摸到自己流落嚟嘅血，原本一直嘻嘻笑嘅佢瞬間發狂怒吼著⋯⋯



待續