影月良憶(走甜): 簡單的女生(序章)

凌晨，昏暗嘅房間，少女甜美嘅聲音格外清晰。
「我呀，唔係一個需要去猜度嘅女仔。」少女望住漆黑一片嘅天花板，向電話裹面既人訴說。
「咁....係咪一覽無遺先？」帶有戲謔意味嘅男聲由電話裹頭傳出。
「比你睇下又點話姐。」少女帶有撩撥意味咁回答。
兩個寂寞既心靈係呢一晚進行左一次小小嘅碰撞。
彷彿一個小小嘅相伴，一個小小嘅慰藉。
同好多人一樣，兩人亦都只係一個不甘寂寞嘅一員。
到左第二日，兩個人就又會翻到去陌生人既階段。
因為怕受傷，怕麻煩，怕有手尾跟
。第二晚，少女又會再諗，今日搵唔搵人呢？搵邊個好呢？然後又一個循環。


但其實咁做只會令佢更唔相信愛，因為咗填補一時嘅空虛，只會出現無止境嘅惡性循環。
但佢唔明，直至到佢遇到一個人，一個佢從一見面就深深吸引住佢嘅人，一個佢覺得可以去依賴嘅人。
少女開始放下偽裝，希望同對方發展，希望可以無條件咁依賴對方，希望對方可以填補佢內心嘅空洞。
但係事情總唔會同如期中一樣順利，因為佢愛上咗一個唔愛佢嘅人......