bbbbbbbbbb: 重遇 《三十二》

我們吃完剩下的串燒便回去了，李老師他們說他們坐多一會兒。
我再嘗試拖一拖若心的手，她有點反應不及，有點愕然地看了我一眼。
「我未試過同男仔拖手，你係第一個。」
那麼。。。
「之前我同林顧笙拍施嗰時都冇同佢拖過手，同親佢出街佢都行得好快，唔肯就我。次次我都跟喺佢後面，我同佢連嘴仔都未錫過，所以我嘅初吻就被你攞咗。你唔準唔要我㗎，就算係都係我飛你，你唔可以飛我。」
到現在，我都不能相信我的初戀是若心。
我還以爲我要在長大後靠援交才能體驗得到拍拖的感覺，想不到我也算是十分幸運。
我感覺到我們的手都被大家因緊張而出的手汗沾濕了。
平常我一定會把手縮開，不過今次我又不介意，甚至是樂意。
雖然好像十分變態，不過沒有辦法，我們都樂在其中，沒有縮開手。




我們後方有一個男人看似十分焦急，卻好像被我們阻擋着。
「行開啦，阻住哂，條路你起㗎？」
我們不得不把手縮開，讓出一條通道。
那個男人走了，氣氛都被他破壞了，我再申手，若心把手拿開，不再讓我拖了。
「今日就拖住咁耐先啦。」
我裝出一副可憐的樣子，希望若心可以可憐我吧。
「唔好咁啦，我地以後大把機會啦。同男仔拖手有少少唔習慣，感覺有少少奇怪。仲要拖住你就好似拖住個小學生咁。」
小學生嗎？
「咁咪仲好，你有幾何喺一堆中學生入面搵到一個似小學生咁天真無邪。個個都係想呃蝦條，同佢地一齊一定會蝕底比佢地。」
若心在點頭，應該是十分認同。




「啱呀，所以我咪揀你囉。你唔會想呃我蝦條掛？」
我當然不是。
「梗係唔係啦，不過我都係男仔，少不免都有諗下尼啲嘢嘅。」
若心停下來看着我。
「咁你有無諗過同其他女仔？」
。。。
「有」
若心好像有點生氣，又有點傷心。
「以後你個腦淨係可以諗住我，唔準諗其他人，知唔知道？」
我可以答不知道嗎？