[寂寞惹的禍] 《22:22 限時情侶》: 第三章 — 鏡（1）

===================================================================
 
「袁小姐。」眼前穿著白袍的男人直直地注視著我，「雖然我知道食藥既後遺症相對離講都係大，但既然你既情況仍然冇好轉，我地都係會建議你試下食藥先。」
 
今天又是覆診的日子。
 
這已經是我的第四個主診醫生。
 
雖然我知道看醫生並沒有用。
可是，何俊朗說，他很希望我能根治突然哭泣的問題。


 
即使明知道可能不會有什麼效果...
還是像他要求的那樣，先來覆診吧。
 
「但我而家既生活同埋情緒真係ok，冇咩壓力。」我再次強調道，「即使食左藥，都只係會令個人high翻d，唔係咩？」
「有時我地表面感受到既野，同埋潛意識入面既野係兩回事。」醫生也重覆著已經說過無數次的話，「你細個發生過既事，對你既影響可能比我地想像中大好多，只係因為太唔想面對，所以至夾硬壓住左佢。」
 
小時候的事...
我也複述得幾乎要盲目了。
 


可是，不知道為什麼...
聽見醫生提及『小時候發生過的事』，心跳的節拍還是開始變得紊亂。
 
「如果我之前真係壓住左佢，而佢最近至開始帶d唔好既影響比我...」我開始提出自己心中的假設，「咁姐係話，呢件事對我既影響開始惡化緊？」
「其實呢d反應就好似腫瘤咁樣，可以係惡性，可以係良性。」醫生也嘗試用一個較為形象化的方式來向我解釋，「有可能係你既潛意識開始想叫你解決呢件事，所以將佢逐d抆緊出離，你亦都受佢既影響而有情緒反應，呢個係一個好既開始，比我地去開始拎個問題出離根治佢；但另一方面，都有可能係起你既生活入面發生左一d事，令你諗翻起細個既經歷，刺激到放起潛意識入面未好既傷口，所以至會有痛同埋流血既反應，呢種情況可能會過分刺激個傷口，如果唔起傷口發炎之前處理好既話，後遺症亦可能會比我地想像中既重。」
 
...總有一種明明已經說得很具體，但還是很複雜的感覺。
反正結論就是要處理傷口吧？
 
「但無論係邊一種都好，重要既係要搵翻個源頭出離，處理好個傷口。」醫生認證著我剛才閃出的想法，「所以都係果句，食藥同埋寫日記，然後我地起下次見面既時候再睇翻個情況，再分析多d。」


 
吃藥...
 
我開始對自己應否吃藥的這件事情感到動搖。
始終，吃藥的副作用太大。
 
而且醫生說過，我恰巧是貪血的人，如果加上藥物初期的副作用，我甚至可能會出現昏眩現象，突然失去意識，然後再立刻醒過來。
這種現象，對日常生活與工作的影響都太大了。
 
可是...
我還是很在意何俊朗說的話。
 
『我唔想見到你成日喊，我想見到你笑。』
 
雖然在聽到這話的時候，我還是會開始胡思亂想。


 
或許他不是希望看見我笑。
只是不想在激情的過程中，還需要處理的我的眼淚罷了。
 
「袁小姐，take care。」醫生在臨道別前也不忘提醒了我一句，「你望落比上一次離既時候更冇精神。」
 
...沒有精神嗎？
 
雖然這句話最近好像常對身邊的人說。
 
我也逐漸開始感受到，一種即將有什麼事情要發生的感覺。
而我最近的情緒是如此平靜...
 
像是暴風雨的前夕一般。