【徵友】 

丫源:Fan siu! Next year CE gar lar! Now ng play when play sin?? 』 

啊源 - 張兆源,是我中學的死黨,也是我現在的死黨。   

當年的啊源就是一個既貪玩又不敢行差踏錯的死o靚仔,嘴裡常常掛著要落D、食煙、飲酒、講粗口,其實一樣也沒有做過。 

『Ng ho SMS ngo,SMS ho lun expensive law! 』     

沒錯!SMS傳太多電話費確實會暴走,不過更重要的是我在破貪食蛇的紀錄,他的SMS傳太多會很滋擾。 



未幾 Nokia 6110 的刺耳 Charleston 鈴聲響起。 

「仆街!」

我匆匆接聽了電話便說:「張兆源!我真係唔想係《Yes!》度登徵友廣告,大佬!我求下你唔好再煩我!今個月就泥爆分鐘啦!」
 

「唔係啊!你冷靜 d 聽我講先,我都知你無耐性搞咁多o野架啦!所以上個禮拜用你個名但係我個電話號碼幫你寄咗去啦!點知又真係登咗喎!我Fax左個頁落你屋企鋪頭啊...」

 「頂你個肺!」 



我把手提電話和鎖匙硬擠進了褲袋,顧不了貪食蛇重新啟動後往牆上碰去,便往樓下跑。 

6352分,就是我遇見她以前最佳的貪食蛇分數。
【尋友】 

丫婷:Ngo kam yat hai Yes kin doh gor ho gua gei ad. 』

 啊婷 - 陳詠婷,是我中學最要好的姐妹。因為我叫陳穎璇,她叫陳詠婷,依學號叫名、分組或是排隊的時候,她永遠在我的後面,久而久之,我們便成為了好朋友。 

『mei ad. sin??』



 丫婷:gao yau ad., wai form 4 jai yiu wan gor chung yi tai hey ge lujai king sum si, lam yan lo 9 king mei Q sum si ar?? 』 

『Sorry, I don’t understand a word...』 

「鈴....鈴」 放在茶几上的電話響起,我匆匆拿起聽筒夾到頸邊,雙手把玩著電線。 

「我今日係《Yes!》見到個好怪既徵友廣告啊!話自己中四仔要穩個鐘意睇戲既女仔傾心事,男人老狗講咩傾心事,懶柔情!想叫外賣喳!」 

「咁唔信你又睇?」 

「講下都好啊嘛!不過條仔留咗個全名,都算有 d 誠意!叫咩『范振堯』,『堯舜』個『堯』,唔係好多人用個個!三個字加埋個寫法怪到喊!」 

「范振堯...都幾好聽啊...喂!唔講啦!我啊爸返泥啦!」 

「喂...」



 『范振堯』這三個字,原來早已在這時刻印到我的心裡。
已有 0 人追稿