我和表妹的禁忌之戀: 第三部-第五章：同路

因為tutorial先得一個鐘，所以1點半就落堂。落咗堂之後，我地四人傾咗陣今日呢科個group project就走人。

我：「我去搭地鐵，有無人一齊？」

Kelvin：「我去搭巴士，走先」

四眼妹：「我..我留係學校多陣，唔走住」

我：「咁Michelle 你呢？」



Michelle：「我都係搭地鐵呀」

我：「咁我地一齊行啦」

單獨同個靚女行，都唔好話唔緊張，而且又幾尷尬下...唔得...要是但搵d野傾下！

我：「Michelle 你住邊到架？」

Michelle：「我住荔景果邊架」



我：「咁我地搭同一個方向wo，我住葵芳架」

Michelle：「哈哈，原黎我地住咁近架，咁第時都可以約埋一齊返學」

我：「都得架」

Michelle：「係呢，如果我之後assignment 有d咩問題可唔可以問你呀？」

我：「得呀，我識既話實會盡量答你」



Michelle：「你比Kelvin 好傾好多，哈哈」

我：「Kelvin 無咩野既，比往內向姐」

Michelle：「咁又係既」

你都知搭地鐵有時係會企唔穩架啦，所以就係停站果一下，Michelle企唔穩成個人挨住落我到，而我都好自然咁攬住佢...仲唔小心掂到佢個胸，聞咗一聞，Michelle 身體好香呀...

內心既天使：「仲聞？」，我拿拿林扶返起Michelle 。

Michelle：「阿明，多謝你呀」

我：「小事啦，我搭地鐵有時都會企唔隱」

Michelle：「無你扶住，我實仆低姐」



我：「換著其他人，我都會扶既」

Michelle：「係呢，你有女朋友未架？」

對於表妹呢個身份其實都幾尷尬，對於呢個問題，我猶豫咗一陣，然後答：「未有呀」。之後既我，係好後悔當時我咁樣答...

Michelle：「喔～」，搭搭下原黎都到荔景站。

Michelle：「阿明，我到站啦，聽日見啦！」

我：「88 Michelle，聽日見」

唔知點解，岩先攬落去Michelle果下，有一種好特別既感覺...



返到葵芳先2點半，表妹3點半放學，所以我返咗屋企hea咗半個鐘先再出門去接表妹放學。

-3點半表妹學校門口-

表妹一樣係一見到我就衝過黎橋實我，而狗公俊同放珊都行咗過黎。

狗公俊：「阿明表哥，你洗唔洗痴到你表妹咁實呀？」

哎呀，dllm 死狗公呀，我點樣關你L事？我：「我同我表妹關係好，咁得唔得呀？」

表妹：「係呀，我都好鍾意實痴我表哥！係啦，我唔係叫你咪再跟住我既咩！」

狗公俊：「我係專業既護花使者黎，緊係要跟實你」

文珊：「阿俊，你慳d啦，講野講到你咁誇張」



狗公俊：「咩姐，我認真架！婉婷，比我做你護花使者啦，咁以後亦都唔洗再勞駕阿明表哥黎到學校接你」

我：「我表妹叫你咪再跟住佢呀，你係咪聽唔到呀」

狗公俊：「哎喲，表哥發火，非同小可，咁緊張你表妹呀」

我：「我係緊張我表妹呀，咁點呀？」

表妹同文珊見我地兩個就快嘈起黎，即刻幫手阻止，文珊拉開狗公俊。然後表妹一路拉住我走，一路講：「我地走啦，仲要返去補習。」。我當然都知道，係學校門口都唔適合同狗公俊嘈，所以都廢事留低。

呢個狗公俊，串柒柒，仲想搞我女朋友，遲早我都會忍唔住打柒佢一鑊。