我和表妹的禁忌之戀: 第三部-第八章：與Michelle 約會 (一)

幫表妹補完後，我就返屋企。

我：「我到屋企啦，我做陣功課先，之後食完夜晚再搵你」

表妹：「好呀，比心機呀老公！」

想要高GPA，就必須要下苦功！我將每科既assignment outline拎晒出後，然後逐份逐份仔細咁慢慢睇，睇完每份都draft 份大綱出黎。

呼，終於draft晒全部assignment 既大綱出黎。而呢個時候whatsapp聲響起，我心諗：「應該係表妹」，拎起手機一睇，原黎係Michelle：「Hello 阿明，我係Michelle呀」



我：「Hi Michelle，搵我有事？」

Michelle：「有事先可以搵你架？」

我：「唔係呀」

Michelle：「講下笑炸，我想問下今日個科individual assignment d野，因為過多兩個禮拜要交啦，我想快d做完佢」

我：「你真係撞岩時候啦，我岩岩起draft晒大綱出黎」



Michelle：「咁份assignment 係咪就咁describe 個Case d野出黎就得...」

我：「唔係呀，outline有要求，要先define 個xx...............」

十分鐘後

Michelle：「喔...原黎係咁樣做，差d錯晒方向添」

我：「做assignment 睇outline好重要架」



Michelle：「Thanks 阿明」

我：「小事啦」

Michelle：「我要請返你食餐飯先得！」

我：「洗唔洗咁客氣呀？」

Michelle：「要架，比我請你啦」

我：「咁呀，聽日lunch？」，靚女請食飯，點拒絕呀！

Michelle：「有kelvin 同 Mandy係到，到時我淨請你好似又唔多好意思咁...不如搵日夜晚呀？」

夜晚呀...同個女仔食飯，比表妹知道仲得了？但同同學食飯姐，無所謂既，唔好同表妹講係女同學咪得囉。



我：「夜晚呀...都得」

Michelle：「咁不如聽晚？」

我：「都得，咁就聽晚」

Michelle：「咁時間地點我聽日再同你講啦」

我：「OK」

呢個時候岩岩好有敲門聲，「確確」兩下，老母：「阿明，食得飯啦，出黎食飯先」。

我：「好，執完野出黎」



食完飯同表妹傾咗個幾鐘電話，收線之後我攤係床到。腦海竟然浮現Michelle 個樣同身材...我拍一下自己塊面，然後同自己講：「阿明，你係到諗咩野呀？你有表妹架啦，佢仲對你咁好，死心塌地咁做你女朋友」，講完後，我終於回返小小神：「係啦，我有女朋友架啦，我當Michelle 只係同學，一定係咁！」

第二日我返到學校，我地四個傾咗陣project。

Michelle:「阿明你好叻呀...咁快手就做晒所有group project d 大綱出黎...」

Kelvin都有d唔信：「講，你係咪請槍手！？」

四眼妹：「d大綱好清晰呀，我地可以照跟住咁做，應該拎到高grade」。

我：「有無做得咁好呀」，呢一刻，我內心係幾開心幾自滿。

Michelle用祟拜既眼神望住我：「哈哈，果然無跟錯組長呀」

Kelvin都望住我講：「我地幾個既GPA靠你啦」



四眼妹：「咁我地分埋工佢？」

落堂後，我繼續同Michelle 搭地鐵返去

Michelle ：「阿明，你真係好叻呀，你實可以升返u姐」

我：「希望啦」

Michelles show個手機mon比我睇 ：「係啦，今晚我搵咗呢間餐廳，我地今晚7點係餐廳門口等好無？」

我：「好呀，我實準時到」