我和表妹的禁忌之戀: 第四部-第二章：夾心人

雖然我同Michelle 無咩野，但唔知點解呢一刻既我好似做咗咩心虛事咁，緊張起黎，汗都標埋出黎...

我：「Michelle...咁岩呀...」

Michelle 望住我隻手，因為此刻我同表妹隻手係拖住。

表妹問我：「呢個邊個黎架？」

我口窒窒咁講：「佢叫Michelle...係asso既同學...」



表妹鬆開咗我隻手，然後好大方咁講：「hello，我係阿明個表妹，我叫林婉婷。」

Michelle ：「hello，我叫Michelle Chan，係你表哥阿明係asso 既同學」

空氣之中，仿佛夾雜著濃厚既火藥味，兩個女仔眼神之間好似有火光閃電互相拉鋸咁樣...

我嘗試打圓場咁講：「Michelle 一個人黎睇戲呀？」

Michelle 用有d傷心既語氣咁對住我講：「係呀...想搵個人陪睇電影都無...唉」



Michelle 繼續講：「你地諗住睇咩戲呀？」

我：「xxxx囉」

Michelle ：「咁岩呀，我都想睇呢套，你地介唔介意多一個人呀？

我望一望表妹，然後表妹：「無問題呀！咁我地一齊睇啦，我同表哥都係兩個，表哥你話好唔好！」

我心諗：「嘩...表妹係搞邊台大戲呀...」



我：「係...係囉...咁就不如一齊睇啦...」

我揀咗三連位，入到場後：

Michelle ：「我地點坐呀？」

表妹：「表哥緊係坐我隔離！」

Michelle ：「阿明你話呢？」

我望望表妹，再望望Michelle ，然後講：「不如我坐中間啦...」

表妹坐我右邊，Michelle坐我左邊。比兩個靚女同時坐隔離，係其他人眼中睇似係左擁右抱，但此刻既我，好似比兩團高氣壓左右夾住咁...但話雖如此，左一對美腿，右一對美腿，作為男人內心其實都幾暗爽下。（Michelle 今日依然係好鬼索，白色上衣，露咗少少一邊膊頭出黎，下身就著住條格仔短裙。）

一坐底後，表妹就橋實我手臂，同埋係咁餵我食爆谷，好似特登做比Michelle 睇咁。而Michelle 就好似有意無意咁不斷左右腳交換橋。



好唔容易終於捱到完場，講真呢場戲，應該係我人生以黎睇得最最最唔舒服既一次。

出到去，原本諗住Michelle 應該會走啦，點知Michelle ：「不如我地今晚一齊食囉？」

我：「你...你無其他事啦？」

Michelle ：「無呀，原本今日係想約個男仔‘fd’既，點知佢唔得閒」

我果刻都幾尷尬。

表妹：「嘩，竟然有男仔拒絕你既邀約呀！」

Michelle ：「係囉，都唔知點解，阿明你話佢應唔應該？」



完全尷尬到一個極點...我：「唔...唔應該啦，he..he...但係...表妹...」

表妹：「一齊食囉，我無所謂呀」

我都唔知點解表妹會比Michelle 一齊食，唔通係想試佢底細？

我：「咁我地一齊食啦」

就咁樣，我地三個搵咗間拉麵店坐底食，每人都咗碗拉麵，而兩位靚女都將佢d餸夾咗d比我。

表妹對住我講：「我食唔到太多，你幫我食減d」

Michelle 都夾咗一大半餸比我，然後對我講：「阿明，我飯量無咁大，驚浪費，你幫我食埋佢」

我個碗拉麵d餸真係夠晒多啦...



表妹：「Michelle 你無男朋友咩？」

Michelle ：「無呀」

表妹好驚訝咁講：「你咁靚女都無男朋友，但追你既人一定好多啦，表哥你話係唔係？」

我：「係...係囉...一定好多啦...」

Michelle ：「唔多呀，可能我成日黑晒面咁，唔熟我既人，會覺得我好cool。阿明，你話係唔係呀？」

嘩，又搵著我黎搞呀...我：「係...相處落係幾好既...」

表妹：「但有無鍾意既人呀？」



Michelle ：「有呀...但唔知佢鍾唔鍾意我呢？」

表妹：「邊個男仔咁幸運呀？」

Michelle 未直接回應，只係笑一笑就算。

果一刻我心諗，唔會係我吧？邊有可能呀，我諗太多啦。

終於食完，呢一餐飯真係食到我背脊骨落。

表妹：「咁我同表哥返屋企啦，88」

Michelle ：「我地同路呀，阿明都知架，都一齊放學搭車返去過幾次。」

我好尷尬咁講：「係呀..Michelle 住荔景，因為同一條線，所以先一齊走...」

表妹「喔」咗一聲，呢一刻，我feel到表妹有小小嬲啦...

就咁樣，我地三個人無咩講野咁搭地鐵歸家，到荔景站時：

Michelle ：「今日多謝你地陪我呀，88」

我同表妹：「88」

Michelle 轉身臨走前，笑住對住我講：「唔好唔記得你仲差我一餐飯同一場戲呀！」，講完就走咗啦...

Michelle 衣著示意圖