我和表妹的禁忌之戀: 結局篇-第七章：終極神秘人

《時間：阿俊扑穿阿明頭果日》

係法律界縱橫多既阿俊媽，係佢強勢幫助下，成功將自己個仔阿俊保釋咗出黎。阿俊出黎後，精神已經開始有d唔正常。

由細到大，阿俊都好乖，聽晒老豆老母。突然見到個仔變成咁，作為父母既緊係最擔心。阿俊媽透過陳文珊既了解下，阿俊媽終於知道個來龍去脈。

俗語講得岩：「錢洗得鬼推磨」。阿俊媽聘用私家偵探去查林婉婷同梁家明既一切，無意中發現到陳芷澄Michelle呢個人既存在。阿俊媽心疼阿俊，當然想出手幫個仔。

《時間：係阿明被扑暈既第二日，Michelle 去探阿明前》



阿俊媽先叫私家偵探約Michelle 出黎（當然係以搵ptgf名義）。Michelle上到酒店後，先知道呢一切係一個局。

阿俊媽：「我知道你就係梁家明個同學？」

Michelle ：「係呀，咁點？」

阿俊媽：「無，想你幫我做d野」

Michelle ：「污糟野我唔做」



阿俊媽：「污糟野？你而家做既野難道唔污糟？哈哈哈」

Michelle ：「你...」。Michelle 懶得同佢講，轉身諗住走。

阿俊媽：「你嫲嫲住緊院，聽講好似需要筆錢做手術wo？」

Michelle ：「你講咩！你做咩查我d野」

阿俊媽：「只要你肯幫我做一件野，事成後，你嫲嫲既手術費你可以唔洗擔心」



手術費...Michelle ：「要幫你做咩事？」

阿俊媽：「幫我埋梁家明身，勾引佢，令佢同佢表妹既感情破裂」。果然個仔咁痴線極端，個老母都唔會好得去邊。

Michelle ：「我唔做呢d野」。其實呢個時候既Michelle 已經對阿明有好感，所以無一口就答應。

阿俊媽：「一個識咗無耐既男仔同相依為命咁多年既親人，邊個重要d？你係聰明女黎既，孰輕孰重都識分掛？」

嫲嫲...手術費...呢兩個完全就係Michelle 既致命點。

Michelle ：「成交」。正因為咁，所以之後Michelle 突然變到更積極，更強烈進攻阿明。

之後Michelle 同阿明出街（表妹車禍果日），個行蹤當然有同阿俊媽匯報。阿俊媽更借文珊之手去偷拍Michelle 同阿明同send相比婉婷。文珊當時單純只係想幫阿俊去拆散婉婷同佢表哥，無諗到咁複雜，所以場車禍，文珊、Michelle 同阿俊媽都完全估唔到。