日本食人魔《十六歲透明感少女黑夜狩獵事件》: 第九節C

林光正盯著她額前的溜海好一陣子，透一口氣，忽然下決心似的從褲袋裡抽出銀包，翻了幾下，再突然誇張的哎呀一聲叫出來。 


「哎呀！死喇…頭先食飯用晒啲Cash，而家得返兩舊水……」一面說一面裝著自責的樣子。面露難色，奈何演技差勁得要緊。 

「吓…咁點算呀？……」少女臉上帶點不知所措，下意識回頭望望身後遠處的提款機說。 

「唉…最弊我連張咭都漏咗係公司呢…哎呀…真係大頭蝦……咁點好呢？」林光正說，眼角卻在偷看著少女的心思。 

「呀！一係咁！我屋企過兩個街口就到，你跟我行兩步，我攞畀你…」 





「吓……」少女笑容一瞬間冷卻下來，不自覺的退了半步，眉頭間帶著幾分退縮。 

林光正乘著這個機會，再加一把勁眉飛色舞的游說。 

「真係好近，過咗麥當奴，再行多兩步之嘛，五分鐘搞掂。」說著還未等少女回應，就抱著紙袋轉身離去。 


少女卻沒有跟著他走，只是釘在原地不知如何是好。林光正回頭發現她沒有跟上問她怎麼不跟著來。 






「…唔好意思呀……都係唔好喇……一係第日再交收過啦……你…畀返袋嘢我先啦……」少女低著頭，帶點不好意思的說。 

看著她一臉羞怯的表情，林光正的心急得像一窩螞蟻在亂爬。努力壓抑著自己的慾望，裂開嘴帶著微笑的說︰「唉……一日都係我大頭蝦，係我要講唔好意思至真……」說著就把紙袋交回少女手中。 



少女伸手接過，林光正卻默默拉著紙袋不肯放手，靜靜把身子靠前，壓低聲線在她耳邊說︰ 

「我估唔到你真人比相裡面靚咁多，可愛咁多……老實講，件貨我好滿意，我亦都打算以後都一路幫襯你。只不過我今日真係咁啱帶唔夠錢。哩一點，係我問題，所以我願意補償你嘅損失，我會額外畀多50%你……」 





少女聽見猶豫片刻，然後小聲說︰「嗯……咁樣……咁樣……我要問下朋友先……」說著就掏出電話，開始在螢幕裡面打字。 

「一倍！我會畀足晒件貨嘅錢之餘，再畀多一倍錢你…」林光正見機不可失，立時打出王牌說。 

「一倍！？」少女驀地抬頭，停下原本正在打字的手，驚訝的望著眼前的這個禿頭大叔。