[愛情][少甜]我地係炮友定係情侶【每日00:00更新】: 2a

-----男方視角-----
第二日返學，我真係好鬼死開心！
我本身就喺男校度讀，而佢就係第一個同我有共同話題既女仔。
我見到我巴打，我決定要同佢追數！

"喂！你老母呀！又話幫我擺簽名，而家淨係掛住陪你條女唔理兄弟啦！回水啊！比返本書比我！"
'收皮啦！我比我條女飛啊！屌你！'
"所以哩，幾時都係咁話，兄弟之情係無人能及！"
'嗚!'
"乖啦!唔好喊啦！咁你幾時比返本書比我?"


'本書喺屋企！放學一齊返屋企，我攞返本書比你！'

就係咁，放左學之後，我同我巴打一齊返屋企。
我打開電話，希雯(書店的嗰個女仔)又WhatsApp我啦！

正當我同佢WhatsApp之時...
'喂！又話兄弟之情無人能及，呢條女邊個嚟㗎，女朋友？吃裏扒外的傢伙!'
我都未解釋，佢咁樣就走左去，唉！
係喎，我本書呢？



"喂！我本書啊！頂你個肺！"
我追唔到啦！宜家無人陪我，真係好孤單，啲遊戲又打左幾百次，真係好悶。我突然諗起書，希雯。

[希雯，不如我地約出嚟交流下讀書心得]