<<坐上前往尖沙咀的天星小輪，迷失在維多利亞港>>: <<迷失十三>>
「呢三幅圖，頭先已經講過，我就唔重覆啦。可以補充嘅係，呢度嘅人都係一啲失去方向，放棄自己嘅人，所以佢哋先會畀馬雅人放逐出去。而之後呢幅圖，就係講佢哋逐一回歸去神度。第五幅圖，就係指剩低嘅人害怕死亡，坐船逃走，但得救嘅方法，從來只有一個，就係回歸去神度。」周博士的解釋充滿了宗教的意味。
「呢個球體，係神？」我到底聽到甚麼了。
「有咩問題？不過你哋唔理解係正常嘅，只有愈接近死亡，先會愈接近真相。」周博士笑了笑。
「咁第六幅圖呢？呢啲人係度做咩？」我續問。
「呢幅？哈哈，神蹟，係神蹟。」周博士眼中充滿了崇拜之情，她......真的還正常嗎？
「所有回歸神嘅人，最後都會重生！膜拜嘅人，就係重生嘅人！所以死亡一啲都唔可怕。」
「你係話佢哋......全部都會復活？包括......鄧美玉佢哋？」
「無錯，雖然我唔知係一個點樣嘅情況，但我知佢哋一定會復活。復活後嘅人，唔會再失去方向，唔會再放棄自己。」周博士的內容愈來愈荒誕，但她的語氣卻愈來愈肯定。
「痴線！痴線㗎！你哋唔係仲要聽佢講嘢呀？佢已經痴咗線啦，咩神咩復活，呢啲嘢都講得出口嘅！」阿萍狠狠地說，但在場的人卻沒有附和她。
畢竟，在場的所有人，包括我，也不認為周博士的精神有任何異常。
沒有辨法，對話必需進行下去，還有很多的資料需要從周博士身上問出來。
「咁......第六幅圖之後嘅文字，係講啲咩？」
「呢啲字，係喜悅！全部都係表達對神嘅尊敬，對神嘅喜悅！等我哋可以知道，重生嘅我哋，先係真正嘅人生！」
「癲咗！佢癲咗啦！點解你哋仲可以聽佢講嘢？痴線，全部都痴晒線！」阿萍無法再聽周博士的說話，獨自逃到船尾。
「阿萍。」我本想追上去，因我怕阿萍會跟李樂彤一樣出現老化現象，但現在還沒有從周博士身上問到事情的關鍵，我只好選擇較重要的一方。
「周博士，照你咁講，我哋喺度出現，就係為咗回歸到神嘅身邊，然後得到重生？」明叔看著周博士，語氣帶點挑戰的意味。
「無錯。」
「既然係咁，點解要揀我哋呢啲放棄自己嘅失敗者？」
「因為神係大愛嘅，佢要救贖我哋。即使好似你咁樣質疑佢嘅人，佢都會給予救贖。」
「我唔相信一個逼我哋去絕境，所謂嘅神，係真心想我哋得到救贖！」明叔激動地說。
「明叔，你唔可以因為你曾經殺過人，就覺得將人推向死亡並唔係一種救贖㗎。
」周博士冷笑了一聲。
「你......」明叔聽到後，驚訝得說不出話來。
「唔駛奇怪，一切都係佢話我知，當然唔只你嘅事，其他人內心嘅陰暗面，點解你哋會嚟到呢度，一切一切，我都知道。」周博士指向上方，大概那裡就存在著她口中的神吧。
「周博士，我唔係想知呢啲神話式嘅內容，重唔重生對我嚟講一啲都唔重要，只要唔死，我根本唔需要所謂嘅重生！我想知嘅係，我哋點樣嚟到呢度，呢個又係咩地方！最重要嘅，係點樣可以離開呢度？」我已厭倦了她那種宗教式的發言了。
「呢個係咩地方？呢度當然係神所在嘅聖地啦，而能夠進入聖地嘅唯一方法，就係乘坐方舟。」周博士為我的無知感到驚訝。
「聖地？方舟？就算真係，呢艘咁嘅方舟竟然會出現喺香港？哈哈......」她的說話荒誕到一個我無法回話的地步。
「馬雅人嘅祖先本來就喺源自於亞洲，當時佢哋嘅生命受到威脅，出於生物嘅本能回歸返嚟亞洲有幾奇？只係咁啱佢哋輾轉嚟到香港啫。」周博士的說話帶點一點矛盾。
「生命受到威脅？佢哋當時受到嘅究竟係咩威脅。」
周博士聽到後並沒有回應，是不能回答，還是因為這威脅是源於她口中的那位「神」，所以她不願回答。
「我唔想知佢哋受到咩威脅，我淨係想知到底有無辨法離開呢度？」阿康亦受不了周博士的說話，忍不住開口。
「離開？返去嗰個對你哋嚟講毫無希望嘅世界？」周博士說話的同時，目光掃向我們每一個人，和她目光對上的，除了我以外，都不自覺地低下頭了。
「有無希望係由我哋嚟決定，而唔係你口中所謂嘅神。」我沒有因她的說話而退縮。
「果然......你係......」周博士感覺在呢喃著甚麼，但聲音太小無法聽清楚。
「我可以話畀你哋聽，你哋無可能離開呢度。」周博士聳了聳肩，輕鬆地回答了提問，但她的目光卻不自覺地避開了我的眼神，她，在說謊！
「無可能離開？我唔信！」阿康激動地喊。
「事實就係咁，你哋死心啦。」
「周博士......」看著周博士的模樣，我不禁產生了一個疑問。
「你......仲係周美心嗎？」
「周美心？我......呀！！！」周博士聽到我的說話，突然抱著頭怪叫起來，好像受到甚麼衝擊似的。
「周博士？周博士？」我緊張地呼喊著，但周博士的樣子好像很痛苦似的。
「我......我......周博士......我係......」周博士痛苦地抱著頭。
「周美心博士！」我和其他人都只能看著周博士痛苦地叫著，甚麼也做不到。
過了一會，周博士那痛苦的叫喊聲終於停止了，她像失去了支撐般，倒了在地上。
我馬上扶起周博士，卻發現原本停止了的老化，竟又開始加速了。
「可惡！周博士！周美心博士！」如果剛剛的周博士真的是被甚麼操控了，那她的說話可說是毫無幫助，必需要確定她說的話有多少是能夠相信的！
醒來，快給我醒來啊！
「黃......黃洛森？」周博士睜開了雙眼，總算恢復了意識。
「周博士，太好啦，我有好多嘢想......」我還沒有把話說完，周博士便已搶著說。
「我......我知你哋想問咩。雖然頭先我一直都好似失去意識咁，但我的確透過所謂嘅神，知道咗大部份嘅事。我只講重點，基本上頭先講嘅嘢都係真嘅，無論係神話嘅部份，定係重生嘅部份，甚至係離開呢度嘅部份，全部都係真嘅。」周博士的說話，令到其他人臉上都浮現出絕望的神情。
「不過，我可以講嘅係，係有方法離開呢度嘅。」
「吓？我唔明，咩叫無可能離開，但係又有方法離開？」我實在不明白。
「離開嘅方法好簡單，就係要搵到自己嘅方向。呢個......應該得你可以做到，因為，你唔應該屬於呢度。」周博士的說話，讓我更加混亂。
「你講咩呀？咩叫得佢做到呀？咁我哋呢？」阿康激動地說。
「你哋係走唔甩㗎，至少，依家嘅你哋係無可能。只要你哋一日係放棄自己，一日都無可能離開。」
周博士說到這裡，我總算明白，為甚麼會有離開的方法，但卻不能離開。
因為在場的人都缺少了「方向」，而不知道為甚麼，周博士認為只有我才能找到「方向」，其他人卻不可能找到，所以才有如此矛盾的說法。
「咁老化呢？觸發條件係咩？同埋點樣可以阻止老化？」周博士的老化已愈發嚴重，希望能趕上把疑問都弄清吧。
「觸發條件我講唔到畀你哋知，阻止老化嘅方法，就係希望！但係......依家嘅你哋都係無辨法做到。」周博士說話開始變得困難，她正漸漸老去。
「我想知道，我哋係偶然嚟到呢度，定係有人送我哋嚟。」
「由以前開始，就一直要獻祭十四個人，如果唔係，災難就會降臨......所以，你哋嘅聚集，雖然係偶然，但的確係有人送你哋嚟。」
「邊個？邊個咁賤格要咁對我哋？邊個呀？」阿康聽到後很是生氣，其他人臉色也不好看，周博士則搖了搖頭，表示她也不知道。
「我知嘅......就係咁多，你哋如果真係要離開呢度，記住......要搵返自己嘅方向，同埋......接受、原諒自己。至於你，黃洛森，雖然你唔屬於呢度，但你如果無辨法堅持做自己，你一樣會落得好似我咁嘅下場，所以......唔好忘記，方向......好......重要......」周博士的話愈說愈慢，大概她也撐到極限了。
「最後一個問題，既然你已經知道大部份嘅事，我想知道，有無一個叫林書遙嘅女仔都入咗嚟呢度？」拜託，點頭也好搖頭也好，至少給我一個答案。
但周博士已無法再回應我的問題，因為，我扶著她的雙手，手上的重量正在慢慢消失。
周博士，最終在我手上完全風化了。