<<坐上前往尖沙咀的天星小輪，迷失在維多利亞港>>: <<迷失十五>>

我們一行人跑到船尾，看到阿萍坐在地上全身發抖，右手則指著前方。

「怪物......怪物......」阿萍用顫抖著的聲音，不斷重複著這兩個字。

我們朝阿萍指著的方向看過去，只見在漆黑的海上，不知道甚麼時候，多了十多個發光的物體。

那些發光體，距離船隻十分遙遠，而且一動不動，雖然看上去十分詭異，但看來暫時不會對我們造成任何威脅。

「嗰啲......係咩嚟？」張強看了看大家，希望尋找到一個答案。





「我唔知嗰啲係咩，不過......相信絕對唔係啲咩好嘢。」我會這樣回答，只因在接觸到那些發光體後，心底裡竟湧現出一種莫名奇妙的恐懼感。

「咦？我......我有無睇錯？」張強突然指著那些發光體，一臉緊張地說。

我們亦因為張強的說話，聚精匯神地看著前方。

「唔......唔係啩？」我擦了擦雙眼，不太敢相信眼前看到的東西。

「痴線，無可能！」阿康亦走到船尾，打開了窗子進行確認。





在這一刻，我們都確信沒有弄錯。

雖然離那些發光體甚遠，但我們的確看到，那些發光體，正用一雙又一雙使人發寒的眼睛，緊緊盯著我們。

而更可怕的是，那些發光體以極為緩慢的速度，開始靠近我們。

「阿輝，嗰啲咩嚟㗎？」阿欣緊緊摟著阿輝，顯得十分緊張。

「我都唔知，但我唔會畀佢哋傷害到你。」阿輝亦緊緊抱著阿欣，兩人看來關係十分良好，這樣的兩人怎會是放棄了自己呢？





不過，這並不是思考這些的時候。

「依家點算呀？佢哋過緊嚟啦！」張強緊張地說。

「冷靜啲，佢哋應該無咁快過到嚟。」我安慰他。

「冷靜？點冷靜呀？我哋依家走又走唔到，佢哋遲早過到嚟㗎！呢次死啦，呢次死梗啦！」張強來回踱步，散出的不安感影響了所有人。

「我警告你咪再行嚟行去呀！如果唔係打鑊你！」阿康實在受不了張強那煩人的身影和踱步發出的聲響，不過，他更受不了的，應該是那漸漸逼近我們的發光體。

就在眾人一片混亂之際，我瞥見阿May偷偷地跟阿康說了些話。

「各位，聽我講，我有一個提議。」阿康突然拍了拍手，把眾人的目光都吸引過去。

「我覺得依家情況好危險，啲發光體如果過到嚟，我覺得我哋一定會有事！所以，我諗住依家爬落去駕駛倉，搏一搏睇下有無方法整郁架船，遠離嗰啲發光怪物！」





阿康的提議對大家來說是最好不過，而在這情況下，我亦只能贊同他的計劃。

只是，我萬萬想不到，阿康竟會提出這種要求。