<<坐上前往尖沙咀的天星小輪，迷失在維多利亞港>>: <<迷失二十九>>

「你依家明白晒啦？」

「你講嘅每一隻字我都明白，但加埋一齊我就唔係好明。」

「我講嘅所有嘢都係真㗎，阿May就係一個最好嘅證據！」

阿康指著阿May，希望用證據來說服我。

當然，理智上我是完全明白，亦很清楚，在這個詭異的狀態下，阿康的說話似乎亦無不妥。





只是，我的心卻不想接受他的說話，我還心存一絲希望，這只是我幻想裡的小說橋段，而現在的我，只是身處於夢境之中，只要時間一到，我便會隨著鬧鐘的響聲而清醒過來。

「或者，佢只係咁啱暈咗啫。」我別過臉，不想再看著那所謂的證據。

「就算係，你點解釋我哋依家嘅情況，唔好再呃自已啦。」

「我......」

就在我仍未能完全接受阿康的說話時，明叔突然大喊。





「你哋快啲過嚟。」

我們全部人馬上走過去，但走到一半時，我好像隱約聽到一點哭叫聲。

原來，這哭叫聲的主人，是兩名還在襁褓中的嬰兒。

「呢兩個......就係準備變成間碟嘅BB？」阿強看著兩名頗為可愛的嬰兒，臉上的表情十分複雜，無法猜度他在想些甚麼。

「你哋企晒喺度做咩呀？個BB喊得咁淒涼，你哋都唔抱下佢哋。所以話你哋啲男人呢。」阿萍看到嬰兒在哭鬧，總算第一次沒有問應該怎樣怎樣，而是主動抱起了其中一個嬰兒。





而鄭樂欣亦主動地抱起了另一個嬰兒，陳家輝則站在她的身旁。

要不是身處在這個詭異的地方，這應該會是一個十分溫馨的畫面吧。

「你哋諗住點做？」說話的是阿強，他好像對這兩名嬰兒完全沒有好感。

「點做，咪照顧佢哋囉。」阿萍邊抱著嬰邊說。

「照顧佢哋？你係咪唔記得咗啲嘢？佢哋係會變成間碟，混入我哋嘅世界，佢哋都係怪物嚟！」

阿強的說話重重的提醒了眾人，沒有錯，這兩名嬰兒，很有可能會被抓走，改造，並且成為我們的敵人，就像阿May那樣。

「係咁又點呀，佢哋依家只係一個普通嘅BB咋。」阿萍把手上的嬰兒稍為抱緊了一點，似乎害怕阿強會突然搶走他似的。

「普通？係咪要等佢變做怪物嗰陣，殺埋你先叫唔普通呀？」





「咁你想點呀，係咪要依家殺咗佢哋呀？佢哋BB嚟咋，佢哋都唔想變怪物㗎，何況佢依家只係一個普通人。」阿萍本能地感受到阿強的惡意，惡狠狠地瞪著他。

「唔好嘈啦，無論點都好，我哋都無可能掉低呢兩個BB，阿萍，阿欣，你兩個可唔可以好好睇實佢哋。」

明叔看著他們，兩人沒有猶地點了點頭。

「咁呢件事就嚟到呢度，除咗呢兩個BB，我仲有啲發現。」

明叔拿著一個銀包，從內裡拿出了一些證件。

「咩嚟㗎？」

「係程書美嘅證件，你哋睇下。」





阿康接過了證件，臉上露出了複雜的表情，然後又傳給下一個，亦是同樣的表情。

直到證件來到我手上，我總算明白，他們為甚麼會這樣。

「呢個係......程書美？」

我拿著證件，難以置信地問。

只因證件上那張照片，跟剛剛被我們束縛起來的程書美，完全是兩個人的模樣。

「我諗，真正嘅程書美應該有上到船，不過，喺我哋醒返之前，已經被啲怪物逼入絕路，風化而死。」

明叔的猜測十分合理，那麼，剛剛被我們抓到的程書美又是誰。

就在我還在五里霧中晃蕩時，船中間突然傳出一下巨響。





到底發生了甚麼事？