<<坐上前往尖沙咀的天星小輪，迷失在維多利亞港>>: <<迷失三十四>>

「阿康！」我在遠處邊喊邊向他跑去。

隨著我這聲叫喊，阿華亦馬上反應過來，拿起手槍把餘下的子彈全數射出，半數的子彈射進了觸手裡，稍為窒礙了他的行動。

但由於觸手跟阿康的距離實在太近，他以瞬雷不及掩耳的速度掠過了阿康的背後。

奇怪的是，觸手掠過以後，阿康並沒有被抓進水中，他整個人安穩地落在碼頭上。

「個BB！」阿康在著地後的瞬間，察覺到身體變輕了，馬上意識到他背上的嬰兒不見了。





他回頭看了看海面，那觸手怪物已然消失，剩下的，只有那艘被發光體纏著的小輪。

「可惡！」阿康用力地槌向地面。

「阿康，算啦，你盡咗力啦。」阿華安慰阿康。

「如果我跳早幾秒，佢就唔駛畀啲怪物捉走！佢就唔會變成怪物！」

「我都話咗㗎啦，留個BB喺度遲早出事，又唔聽我講。死啦，依家又多一個怪物，遲下佢哋捉埋另一個BB，又會多一個。死梗啦，死......」阿強話說到一半，突然緊閉了嘴，只因阿華舉起了右手，槍頭正好指著阿強的前額。





「你好收聲啦！再喺度講啲廢話，唔好怪我郁手！」

眾人沒有想到阿華會有這樣的舉動，但因他們心裡都對阿強沒甚麼好感，竟沒有一人出言去緩和這個氣氛。

「阿華，你做咩呀，冷靜啲先啦。」我跑到他們眼前，看到阿華竟用手槍指著阿強，急忙出言阻止。

「哼！唔好再畀我聽到你喺度講埋啲廢話！」阿華放下手槍。

「太好啦，最緊要大家都無事。」我看到所有人都成功來到碼頭，心裡高興了一下。





「唔係大家都無事，個BB......」阿康仍然跪在地上，對沒有保護好那嬰兒而自責。

「阿康，我知道你盡咗力。同埋，如果唔係你，我哋全部人已經死喺船上面。加上我哋面對啲咁古怪嘅事，能夠咁多人都仲企喺度，已經好唔容易。」

「阿森講得啱，你已經做得好好。」

除了阿強外，明叔和其他人也安慰起阿康來。

「阻......阻你哋一陣。」在眾人一片安慰聲中，阿強小聲地向我們說。

阿華則向他投以冷漠的眼神，彷彿在說「唔好再講廢話」一般。

「我諗，我哋要快啲離開呢度，你哋睇。」阿強指著小輪，只見發光體已經佔據了小輪的下層。

「阿康，要後悔要點都好，等我哋安全離開呢度，之後再慢慢自責都未遲。」





阿華拿出了地圖，然後對我們說。

「瑪雅人嘅事你哋都知道㗎啦，呢幅圖喺駕駛室發現，我諗係佢哋之前嚟調查嘅時候特登整出嚟嘅。呢啲打咗紅點嘅地方，應該就係提醒我哋唔好接近。」

我們看著地圖，只見整張尖沙咀地圖幾乎佈滿紅點，看來接下來的旅程絕不輕鬆。

「阿森，你有無咩感覺或者諗法，我哋應該向咩方向行？」

所有人在這瞬間都看著我，希望我能給出一個明確的指示。

「我......我真係唔知。我到依家都仲係唔明，點樣先可以離開呢個世界。我......係咪真係有能力帶大家離開呢度......」

「阿森，唔知道唔明白嘅嘢就唔好諗太多啦，話唔定之後你會突然間有諗法都未定。依家重要嘅係，快啲決定要去邊。」





「阿華，你講得呢個地方點？」明叔指著地圖接近邊緣的位置。

「尖東？」

「無錯，地圖嘅其他邊緣位置都佈滿晒紅點，只有尖東呢度無任何紅點，會唔會呢度就係我哋要搵嘅出口。」

阿華想了一下，忽爾點頭，忽爾搖頭。

「如果呢度就係出口當然好啦，但係，去尖東但又無紅點嘅路線，幾乎只有一條，若果嗰邊唔係出口，咁我哋就會好危險。」

「無時間猶豫啦，我哋要即刻出發，有咩嘢邊行邊諗啦！」阿康看著那架佈滿發光體的小輪，緊張地說。

「好，出發，我哋緣住海傍行，經過星光大道，目標係海濱花園。」

阿華把地圖收好，熟練地替手槍換上了新的彈匣，便指示我們開始行動。