<<坐上前往尖沙咀的天星小輪，迷失在維多利亞港>>: <<迷失四十六>>

看著怪物向我直撲過來，我也沒有時間多想，本能地滾向旁邊。

可是，缺乏了阿華指示的我，勉強地迴避了兩次後，手臂已然掛彩。

「可惡！」

我下意識地看著大門的位置，已看不到阿華的縱影。

這樣也好，一人得救總比兩人一起死掉要好。





「阿康，趴低！」

阿華的聲音突然傳來，我沒有多想便整個人伏在地上。

然後，我聽到了數下槍聲和一下奇怪的嘶叫聲後，一切，都彷彿平靜下來了。

「細路，起身啦。」

阿華的聲音從上方傳來，我這才把頭抬起來，只見阿華拿著一顆破碎掉，像是水晶的東西。





「你......唔係走咗咩？」

驚魂未定的我，不禁把內心的想法說了出來。

「我講過啦，合作一定比一個人嘅力量強，不過細路你太唔入流啦，只能夠咁樣做，先有辨法無事。嚟啦，起身啦。」

阿華伸出右手，把我扶了起來。

「麻煩下次講聲先，我頭先真係以為會死。」





「我之前咪講咗啲怪物對人嘅感情變化特別敏感嘅，同你講咗就唔會有咁好效果啦。重要嘅係結果，係咪？」

「所以你割傷我，就係等我情緒波動？」

「無錯。」

「你......唉，算啦，反正我原本都諗住幫你逃走。係呢，你點樣殺死隻怪物㗎？」

「之前我一直拎住手槍，隻怪物一直警戒住最頂嘅部位，而你揮刀嘅時候佢就完全無閃避嘅動作。所以我就估計怪物嘅弱點喺頭上面，結果打爛咗啲咁嘅嘢。」

阿華向我展示了手上那類似水晶的東西。

「用我哋嘅語言，呢舊嘢應該就係怪物嘅心臟或者大腦，今次嘅收穫好好，唔單止搵到調查員留低嘅記事簿，仲知道怪物都係有弱點嘅，咁以後就有方法對付佢哋。」

「咁我哋快啲落返去搵佢哋啦。」





「等陣先，我想檢查下呢隻怪物。因為佢同其他怪物唔同，佢好明顯係想殺咗我哋。」

「吓？我唔明。」

「之前遇到嘅怪物會襲擊我哋，主要目的都係想帶我哋走，始終，對深淵嚟講，我哋係重要嘅能源嚟。但呢隻嘢明顯唔同，而且你睇，佢完全無風化嘅反應，可能呢隻怪物，同其他怪物有根本上嘅唔同。」

阿華仔細地看著那怪物的屍體，用手觸碰著可疑的部份。

「呢舊嘢究竟係咩嚟？」

阿華從怪物的觸手上，取下了那發出「的嗒」聲的東西。

「睇嚟只係啲裝飾品嚟。」





我觀察了一會，也分辨不出那到底是甚麼東西。

「嗯，拎返去再研究。我哋落返去搵佢哋啦，呢個地方都係唔安全，我諗要盡快離開。」

話畢，我倆便迅速跑向下層，離開的我們，卻沒有注意到，背後傳來了很小的一下「的嗒」聲。