前度: may1.1

May：喂，係唔係chris啊？我係阿may啊，得唔得閒出黎食個飯啊？

我：阿may？你又會有我電話？

我：哈，我都無del到你電話。

我：但係我返咁工喔。

May：你收幾點啊？我等你收工啊。



我：我收12啊，你等我啊？好夜喔。

May：無所謂啦，當食宵夜囉～

就咁，我同阿may分手左4年後再次見面翻。阿may係我中學既師妹，個人性格活潑開朗，玩得笑得無架子，同埋，佢係學校裡面數一數二既女神黎。

哈，你地肯定會問我點解會溝到女神，講起真係陰錯陽差。話說，我溝阿may之前，阿may當時係鐘意左我班既同學David，David係個陽光正氣、風趣幽默既人，有日，我收到阿may既facebook messenger。

May：17:30 係唔係度啊？
May：17:31 我有D嘢想你幫下我。



我：17:35 我係度啊，咩料？幫咩？

May：17:37 我想你幫下我問下David得唔得閒。

我：17:40 David！你想追David啊？David好咩？

May：17:41 我留意左佢一排⋯你幫我問下佢啦，唔該你啊⋯求下你啊⋯

我：17:43 咁好啦，我幫你問下佢啦。



到左第二日，我翻學，見到阿may怕怕醜醜做左個拜託既手勢俾我，我心唸，X啊，David咁X好命既，學校女神都鐘意佢。

我同David其實關係麻麻地，因為以前同佢追過同一個女仔，雖然我追到手，但後來發現，個女仔係鐘意David，同我一齊只係想激David既半途而廢。

到左中午食完飯，我見到david行過，我即刻拉住David行去操場既某一邊。

David：咩事啊chris？做咩拉我去一邊坐啊？我班fd約左我打波喔。

我：你同我過黎一陣先啦，俾幾分鐘我，ok？

David：咁好啦，究竟發生咩事？

我拉David到左操場某個無人既角落後即刻講：喂，David，你覺得阿may點樣？



David：哇，你做咩無啦啦咁問我啊？

我：你答左我先啦X你，究竟你覺得點？

David：OK啊，樣又靚，皮膚又白，身材又正。

我：哈，即係OK啦？同你講啊，阿may對你有好感。

David：你又知？你講笑玩我啊嘛？

我都費時解釋，直接攞部手機打開facebook俾David睇紀錄。

我：拿，點睇啊？女神等咁你回覆啊。

David：哈，如果對我有意思既，搵我傾計囉。



我：我X你啦，人地就係怕醜先叫我同講，叫你去搵佢。

David：咁好啦，我知點樣做既啦。

於是放學個陣，我見到阿may，我即刻俾個OK既手勢佢，阿may開心到笑左一笑。

於是過左幾日⋯⋯