前度: may2.0
第二日返學，食完飯既我，一定會行去學校花園仔度坐，因為我班fd都會聚集係個度。
：chris！chris！
哇，邊個嗌我？仲要係樓上廁所方向度傳過黎，我抬頭望一望，係阿May，阿May係度大嗌，只手不停係度搖，個樣好興奮。
May：chris啊！chris！
我望一望阿May，然後望到May旁邊有佢既同學係度，佢個同學亦都笑騎騎咁望住我，突然我唸返起May叫我唔好公開我地之間既關係，所以我即刻得低頭就走左去。
到左放學，May照舊捉我陪佢返去。
May嬲嬲地講：chris啊，今日中午叫你唔應我既，搞到我好似個傻婆咁。
我：又係你叫我唔好公開既，我未扮淡定囉。
May：個位係我best fd黎㗎，佢知道左好耐啦！
我攬下May講：咁我下次應返你啦。
May：咁就差唔多～
放學後既地鐵非常多人非常繁忙，有時真係逼到想抖下氣都難，但如果無地鐵站咁逼既話，我都唔可以光明正大咁係地鐵裡面攬住阿May。
由於阿May話試過遇到變態佬，所以人多既時候，阿May會顯得有D緊張。
我見阿May個樣呈現出緊張，於是俾左佢一個深深既擁抱。
May：你攬得我好緊啊。
我：我驚你俾人食豆腐啊，你睇我幾偉大，我幫你擋住曬其他人。
May：你依家就食咁我豆腐囉～
我：我依D叫保護你啊。
我地兩個係地鐵站旁若無人咁打情罵俏，如果我係地鐵裡面既其他人，我應該會俾自己既說話搞到反胃。
送到阿May返到樓下，但我表示唔捨得離開，同May糾纏左幾分鐘，最後May表示投降。
May：唉，當我怕左你啦，陪多你傾多一陣啊，唔可以太耐啊。
我笑住講：知道啦，老婆大人！
係，我地係交流，不過係互相交流D口水，傾計已經轉變成濕吻。
有時隻手情不自禁地伸到May既胸部上，但好快俾阿May抓住放低隻手。
May：喂啊，會俾人見到㗎，唔準摸啊。
我：咁好啦⋯⋯
阿May即刻用雙手me住我塊面。
May：喂啊，唔準成日扮個可憐樣俾我睇啦，搞到我好似做錯嘢咁。
我即刻無扮苦瓜乾：哈，無啊，你無做錯事啊。
May：成日淨係識蝦我⋯
我：我以後唔扮可憐啦，唔好唔開心啦。
May；我同你講啊，我入左視藝學會啊，驚唔驚喜？
我：下，點解你會入視藝學會既？你鐘意畫畫㗎？
May：肯定唔係啦⋯我係因為你⋯你選修讀視藝啊嘛⋯
阿May既行為令我有少少感動，佢竟然為左我無參加其他，反而參加依個佢一竅不通既視藝學會。