前度: may2.8

送阿May返屋企樓下，正想走既時候，又黎啦⋯⋯

May：你好趕住返去啊？

我：哈⋯唔係啊⋯

May：唔趕就陪我傾多一陣計啦！

我：哈⋯好啊。



於是我同May好似以前拍拖咁係樓下傾計，只不過地點轉左佢屋企樓下公園凳仔，May又再次點著佢枝藍莓8。

望住佢深深吸一啖藍莓8，然後吐出長長既一口煙，每一啖煙，都代表佢每一個煩惱，每吐一次，都代表一個個舒緩。

「想唔想知點解我退學啊？」May突然講起。

「嗯⋯想啊⋯你想講就講啦。」我尷尬咁講。

「我退學，係因為我俾人欺凌⋯」May好淡定咁講。



「下⋯點解會欺凌你㗎？」我好驚訝。

「唔知⋯仲要帶頭欺凌我既人⋯係我曾經既好朋友⋯」May一邊講一邊摸下個頭。

我聽完終於知點解佢憔悴左咁多，終於明白點解佢咁唔開心⋯估唔到女神May⋯係學校竟然會俾人欺凌⋯

「我一開始就忍佢地⋯後來佢地越來越放肆，越來越麻煩，我就真係驚左佢地，我驚左返學⋯所以我同我爸媽傾完，我就決定去退學⋯」May望一望個地下。

「sorry，我唔知你發生左依D咁唔開心既事。」我有D內疚。



「無所謂啦，都已經過去左。」May講完笑左一笑。

「你唔嬲既咩？」

「嬲又點唔嬲又點？嬲都解決唔到問題，由得佢地過去啦⋯」May又再好淡定咁講。

我唔知佢係真睇得開定假睇得開，對於自己咁既遭遇，佢完全無怪過人地，我真係幾佩服佢。

我地兩個安靜左幾分鐘，突然May又再講嘢。

「chris，不如搵日叫埋Bobby出黎啊，我好耐無見過佢。」May望住我。

「哦，你淨係掛住我巴打bobby，無掛住我。」我扮嬲咁講。

「哈，你吃醋啊？」May笑一笑。



「無，我講笑姐。咁我幫你約Bobby出黎啦。」

「我想知Bobby點解會著依D衫影相囉，好奇怪囉。」May一邊講一邊篤手機。

May手機顯示Bobby著住個黑色皮嬲，全身黑色，配上YSL既黑色皮鞋。

「依家D韓仔係咁著喔。」我解釋返俾May聽。

「唔覺得韓囉，我覺得好搞笑。」May皺下眉頭。
我都唔知點答May講既嘢。

「其實你地畢業個陣我幾唔開心⋯」May有D失落咁講。

「下？點解啊？」



「因為Bobby無搵我影相囉！」

「哦，原來係咁，因為你同我分左手啊嘛，所以bobby都唔會接觸你囉⋯」我解釋返俾May聽。

「原來係咁。」

我望一望手錶，已經成3點幾，May見我望手錶，於是送我去搭的士。係的士上望住May行返去既背影，估唔到短短幾年，竟然發生左咁多嘢。