針孔攝影機拍攝日記: 1

我喺hku 讀engine, year 1.叫做志明。正宗毒撚。高高瘦瘦，大部分時間喺屋企打ps4。

上到大學，屋企離學校好遠，老母想我獨立，所以交代左每月都會比萬幾二萬蚊比我租樓，另加五千伙食費連埋日用品。

第一次租房，我租左個單位。單位入面有獨立廁所（有門），有電視機，開放式廚房，一張直程係King size ，可以訓到兩個人既床。

為左慶祝自己租左咁靚既新屋，我買左個蛋糕仔，吹蠟燭，祝自己可以在大學生活一帆風順，學業進步，早日脫毒。

吹完蠟燭，抬頭。我先發現原來我既天花板有煙霧感應器和花灑。救命！我會唔會被滴濕？





奇怪啦，啱啱吹完蠟燭，有煙喎，點解感應唔到？係咪壞左？等我整整先。

我企上床，好熟手咁拆左佢出嚟。我發現入面有一張sd card 其他乜都冇，連煙霧感應器基本配件都冇。

我愈諗愈覺得奇怪，得個sd卡，咁sd卡入面有咩呢？