越界的姐弟戀（甜）: 第七部 - 第一章：分手

時間嚟到星期一，我同家姐如常返學。我同家姐都知道，我哋兩個禁忌嘅關係絕對不能比身邊人知道。

不過愈刻意保持距離，反而係外人睇嚟，有少少唔正常。返到課室後，三個老死即係問我：「你同你家姐係咪嗌交？」

我充滿晒疑惑：「點解咁問？」

豬肉榮：「平時你同你家姐都會拖住手返學，但今日無拖之餘，你兩個人更好似都無咩講嘢，睇落好似嗌交咁」

我認真回想下好似真係有呢回事，睇黎以後要再注意啲先得，唔可以太刻意。



我唯有順住佢地咁講：「係呀，嘈咗場大交，家姐嬲咗我」

而呢個時候，婉婷走咗過嚟，語氣既嬲又冷淡咁對我講：「陳家明，你出一出嚟！」。然後轉身走出走廊等我」

三個老死即刻恥笑：「激嬲一個女人都唔夠，仲要起孖」

我心裡都知婉婷搵我係咩事，但此刻嘅我都未諗到點去處理我同佢嘅關係。

我死死氣地行出去走廊，而婉婷一見到我後，則好嬲咁講：「你呢兩日做咩事啫，whsatpp唔覆，打你手機又唔聽！？」



我是是但但咁搵個藉口：「我…我屋企發生咗啲事呀，所以唔係太方便…」

婉婷：「咩唔方便呀，你根本就係有心避我，你究竟想點…」

面對住婉婷嘅逼問，我真係唔知點回答，好彩呢刻校鐘岩岩好響起，上課時間到，令我暫時避開一劫。

我：「夠鐘返埋位上堂啦，有咩我哋放學再傾啦」。講完之後，我急急腳返入課室坐返自己位。但同時心諗，避得一時，避唔到一世，要面對嘅始終都要面對，而家要盡快諗個好啲嘅理由！

上堂時間，我都總感覺有種比人望實嘅感覺，而且帶有強烈怨念。好唔容易捱到lunch，而一放lunch我即刻衝出去搵家姐食lunch。



我：「家姐，我今日放學有啲野做，你自己返屋企先好無」

可能我哋兩個都太熟悉彼此，家姐已經估到我係想做咩：「我會等埋你架～」

然後又講到今朝所發生嘅事，所以我同家姐都決定以後唔好太刻意，就好似以往咁。其實再諗真啲，就算我哋點親密都好，其實係啲同學或熟悉嘅人眼中，都只係單純認為我同家姐只係關係好。

到放學時間，果然如我所料，婉婷截住我。而過咗十分鐘後，課堂嘅同學都已經走晒，得返我同婉婷。

婉婷：「而家無晒人啦，我哋係咪可以講清楚？」

我深呼吸一啖，鼓足勇氣：「婉婷，不如我哋做返朋友好無？」

婉婷眼裡瞬間水汪汪，好似就快喊出嚟咁，然後扯住我件衫問：「點解…點解…」。

婉婷：「你係咪有其他鍾意嘅人？」



婉婷：「定係我做錯咗啲咩嘢令你唔滿意…」

面對住婉婷嘅連番追問，我狠下心繼續講：「我唔想講太多，只係覺得我哋唔合適，加埋我想專心讀書，唔想拍拖，我覺得我哋都係適合做返普通朋友」。

婉婷淚流滿面：「嗚…嗚…唔係嘅…明明早排我地關係仲咁好…都差啲…差啲咩咗…」

婉婷扯住我件衫：「你一定鍾意咗其他人！」

我冷淡回應句一字：「係！」

我扯開婉婷隻手，然後頭也不回，帶著沉重嘅心情離開課室，只留低婉婷一個人係課室低聲哭泣。

其實我都知我其實有啲衰仔，根本一開始就唔應該同婉婷開始，而且係佢初戀…應該傷透佢心…



不過同時間，我成個人鬆咗一鬆，叫咗放下心頭大石，專心同家姐一齊。我行出課室時，遠望樓梯口，發現家姐係到等緊我。唔知點解，一見到家姐，我沉重嘅心情隨即煙消雲散，臉上漸露返笑容。我行去家姐到，然後拖起佢隻手：「家姐，搞掂咗啦，我哋返屋企啦」。

家姐無再追問：「好呀～」

係我同家姐離開後，係同層某個課室有個人影緩緩行出黎行出走廊，然後望住我同家姐剛才嘅樓梯口，若所有思地講：「關係果然唔咁簡單！」。