食完早餐同check out後,我汗流夾背咁拖住兩個超重大喼嚟到難波車站寄存。

我:「呼…手就快跛啦…」

家姐一邊幫我按摩手臂,一邊安慰我:「知你辛苦啦,三日減為兩日好無~」

我瞬間精神晒:「為家姐上刀山落火海,我都願意!」

家姐:「哼!咁樣嘅話,日數唔洗減啦~」



我:「咁又唔好,有啲鼓勵,會更有衝勁同動力嘛~」

家姐:「咁識講嘢,快啲行,我仲有少少野未買!」

我:「吓…仲未買夠呀…」

家姐:「你而家咩意思?厭家姐買得多啦嗎?」

我:「唔…唔係…買!買!買幾多我都拎到!」



家姐:「算你識做啦~」

結果可想而知,我雙手又拎滿一袋二袋……

我:「家姐,差唔多時間啦,要去食個lunch然後就去機場啦」

家姐數一數手指:「唔~都差唔多啦,剩底嘅可以係機場免稅店買。」

我果一刻就崩潰,內心吶喊:「天呀…點解買極唔完…」



我勉強哋:「好…好…買!」

嚟到機場入閘後,時間3點半,仲有一個半鐘嘅時間,所以直至上飛機前,我哋都係免稅店度過…

落機返到香港後已經9點幾10點,而拖住兩個大喼嘅我哋,外加好多袋嘅購物袋,最重要嘅係我同家姐兩個都攰,所以選擇直接搭的士返屋企。

經過一日嘅拖喼、陪行街同做阿四,我成身已經攰到就快散晒。而我千辛萬苦下,終於將所有野放入客廳,然後我第一時間即刻攤落梳化到。

我:「我就嚟死啦家姐」

家姐行過嚟,坐係我側邊,然後幫我簡單按一按全身:「知你辛苦啦,家姐幫你按摩下好無~」

我已經無咩力氣再講野,只係「唔」咗一聲。可能真係太攰嘅關係,被家姐按下按下我就訓覺咗,而家姐驚我凍親,都拎咗張毛氈幫我蓋住,一如既往嘅貼心。

之後家姐將兩個喼輕輕推返入房,然後進行佢個大清點行動。



家姐清點清到凌晨3點,而所有戰利品鋪已經滿張床同地下,可以用寸步難行嚟形容(家姐間房差唔多有200呎大)……

呢到解釋返少少,因為我阿爸阿媽係行果套「窮養兒,富養女」,所以家姐由細到大都係唔愁苦唔愁錢。

家姐見一時半刻都搞唔掂,就先去沖個涼先,然後就出返客廳叫我:「細佬…細佬…」

我就好似一個大男孩,唔願起身咁:「唔…家姐,我仲想訓…」

家姐將我頭抬起放係佢白滑大脾上,然後輕撫我頭髮:「乖啦,起身沖個涼,我哋入房訓好無?」

岩岩沖完涼嘅家姐,身上有股好香嘅味道。我緩緩坐返起身,然後好似小朋友咁攤開雙手:「家姐,我要攬攬~」

攬住好一陣後,我精神返少少,而家姐一早幫我準備好睡衣,所以我可以直接去沖個靚涼。



由於家姐間房已經擺晒陣,所以今晚我哋兩個就係訓我間房。攤上床後,我好似攬大公仔,四腳夾實家姐,同家姐一齊訓,總係令我覺得好安心,所以我哋都好快入眠。

如是者,日本之旅就正式完結!
已有 0 人追稿