轉眼間嚟到9月份,今日係家姐首日返大學上堂嘅日子。

家姐上堂時間係早上10點半,本身其實係可以訓耐啲,但由於我仲係中學雞嘅關係,8點就要上堂,所以家姐都同往時一樣,比我早起身煮定早餐。

家姐煮好早餐後,入房叫醒我:「細佬,起身啦~」

我將被冚實自己:「家姐…比我再睡多5分鐘好無…」

家姐:「你係咪想遲到呀?已經7點10分啦!」



我揭開張被,雙眼仍係朦朧半睜開狀態,然後好似小朋友咁,攬住家姐條腰,頭放係家姐大脾上撒嬌:「唔~咁比我攬一分鍾~」

家姐摸一摸我頭:「成個細路咁~」

我:「我鍾意咁樣攬住家姐~」

家姐:「好啦,夠一分鐘啦,起身啦」

我坐返起身,伸個懶腰:「我都想快啲入大學,啲堂可以自己安排時間,太好啦!」



家姐:「咁你而家更加要準時返學,考好個DSE佢,家姐係大學等你~」

我一野跳落床,一臉精神:「好!我即刻刷牙!」

食早餐時:

我:「家姐,你今日第一日去上堂,自己小心啲呀!」

家姐:「返學要小心啲咩…」



我:「小心色狼囉」

家姐:「你覺得家姐似啲容易比人恰嘅人咩」

不過又係,家姐係出面都係比人有種冷冰冰、生人勿近嘅感覺。

我:「我知,但始終都會有啲係色膽包天,就好似之前Michael同個仆街Simon咁!」

家姐:「知啦,長氣,家姐有咩事就大聲嗌救命,咁得未~」

我:「嘿,咁就差唔多~」

食完早餐,我換著好鞋:「咁家姐我返學啦,你記得小心啲色狼狗公!」

家姐:「仲咁多野講,你要遲到啦!」



我:「係wo !咁家姐今晚見,88」

同家姐道別後就自己一個返學。不過講真,真係好唔慣,畢竟之前日日同家姐一齊返,而家自己一個,確實有種孤獨感,所以我臉上都係好似愁眉苦臉咁。

行中半路撞見婉婷,婉婷見我頭耷耷咁,佢拍咗我一下膊頭:「早呀阿明~」

我一下子被溫柔甜美嘅聲音喚醒:「喔…早呀婉婷」

婉婷:「做咩咁嘅衰樣呀~」

我:「無咩呀」

婉婷:「係咪無咗你家姐陪你返學覺得孤獨呢?」



嘩,婉婷完全估中晒我內心!不過又係嘅,我哋本身就係幾夾對方,唔係嗰時都唔會拍拖啦…

我:「係掛…」

婉婷:「咁以後不如我陪你啦好無~」

我:「咁…」

婉婷:「你唔好諗埋一二邊呀,我當你朋友陪下你架炸!」

我內心:「係囉,同學朋友姐,無咩所謂啦」

我:「咁好啦」

婉婷:「咁我哋之後就7:40一樣係呢個路口等啦~」



我:「嗯」

的確,有婉婷咁陪住行,個內心嘅孤獨感少咗好多。
已有 0 人追稿