越界的姐弟戀（甜）: 大學篇第三部 - 第九章 ：偶遇（一）

食完早餐後：

家姐：「咁媽咪你今次會留幾日？」

阿媽：「聽日要返去新加坡搞埋啲手尾，等安排好晒啲野，大約下個月就會長留係香港」

我嗰一刻心諗：「即係同家姐二人世界嘅日子得返一個月左右…」

家姐：「咁今日不如我哋陪阿媽出去行下街好無～」



心情雖down，但久違嘅家庭樂都係值得開心嘅！

我：「都好呀，阿媽帶我哋去食大餐！」

阿媽：「就係只知道食食食」

我：「緊係唔係，陪你行街都係好開心嘅事！」

阿媽：「係啦係唔，無你咁識講」



我：「咁快啲換衫早啲出發！」

雖然係十月，但天氣都仲係熱，所以家姐換上露腰短T再配上牛仔短褲，非常清爽性感。

家姐露腰短T配牛仔短褲示意圖：


我哋三人嚟到銅鑼灣食個lunch後，就去百貨公司shopping。

我：「你哋手下留手，我得一對手，拎唔到太多…」



家姐：「你牛高馬大，無問題嘅～」

阿媽對住我講：「等陣睇岩啲咩就買，當係阿媽補償你今日做苦力啦」

正當我哋傾偈時，有名高大男生行過嚟：「Hi Michelle，咁岩呀？」

家姐望一望個男仔：「Hi…Kelvin」

阿媽將Kelvin 由頭掃落腳，然後笑到見牙唔見眼咁：「Michelle，呢位靚仔嘅係邊位嚟？」

家姐：「佢…」

Kelvin打斷家姐講野：「Auntie，你應該係Michelle媽咪？我叫Kelvin ，係佢嘅大學嘅同學」



Kelvin再望一望我：「你應該係Michelle細佬？」

我都掃一掃Kelvin，身上散發出富貴嘅味道，睇落似係富二代咁嘅款：「係呀，你好呀」

阿媽一路望住Kelvin一路笑，然後口噏噏：「好…好呀…真唔錯」

Kelvin：「你哋家庭樂行街呢？」

家姐：「係呀」

阿媽：「Kelvin有無野要做呀？我哋正正打算去coffee shop坐底下午茶，不如一齊？」

Kelvin：「岩岩見完個朋友，無咩野做，而家都係打算返屋企。但會唔會打搞你哋？」

我：「會呀，好打搞」



阿媽怒睥我一眼：「唔會唔會，Michelle你話係唔係？」

家姐陷入於都幾尷尬嘅場面，家姐望一望我，我都知家姐難做，所以我：「我岩先講下笑，一齊食個tea ok呀」

家姐：「真？」

我：「真！」

阿媽：「咁我哋去前面少少嗰間K Coffee」

K Coffee坐低後：

阿媽兩眼發光咁望住Kelvin：「Kelvin，有女朋友未？」



家姐：「媽，人家嘅私人事嚟…」

Kelvin 笑一笑，望住阿媽：「哈，我唔介意。Auntie，我目前仲係單身呀」

我嗰刻心諗：「阿媽一定係睇上呢個Kelvin，想幫家姐搵男朋友…」

阿媽：「呵呵呵，一表人才單身，太好啦」

我：「哼，有幾好姐，咪…」

由於我同阿媽坐對面，阿媽一腳伸落我小腿，然後狠睥我一眼，我瞬間收聲。

阿媽從Kelvin身上都觀察到佢非富則貴：「屋企人做盛行呀？」

Kelvin：「我父母係做建築材料生意」



阿媽：「邊間公司？」

Kelvin：「宏大建築」

阿媽：「你Daddy係袁世澤？」

Kelvin有少少錯愕：「係呀…Auntie識得我阿爸？」

阿媽：「呵呵，緣分呀。曾經同你daddy有生意來往，都算叫做認識。」

Kelvin：「又會咁岩，哈哈」

阿媽：「等我手頭上生意安排後，等下次再返香港可以約你daddy再出，到時大家一齊食餐便飯」

Kelvin：「好呀Auntie」