那年，我為左發達去左做全職義工。: 《 2 楔機 》

返到入房，我攤係床望住因為訓上格床而每一日差啲錫到既天花板，

打開whatsapp，發覺可以比我呻下既朋友都冇乜， 我開始碌Facebook，每日既新聞都係果幾種，唔係特首選戰就講中共，開始睇到我有啲政治冷感。  

【蘋果新聞：林鄭$500贈內地丐幫】 

而家做乞衣都仲好搵過我，閒閒地一日坐下都就快高過我日薪，又冇OT又唔洗受老細氣更加唔洗用腦。

 不知不覺，我已經恰著左。 





我眼前出現左一張又一張既銀紙，有500蚊、有100蚊、都有好多張20蚊， 

「嘩！發喇今次，今晚可以食24蚊餐再加大喇！」我心諗 

我一轉頭，發現早兩年因為糖尿病搞到要截肢既三舅公做乜同我一齊坐左係地下， 

隔壁仲有個牌寫住：

可憐我地依對相依為命既舅子，老人院床位有排等，傷殘津貼又唔夠洗。 





「阿三舅公，乜你唔係返左大陸度住既咩，搞咩返左黎香港仲要我同你坐左係街邊呀？」我問 

「咪咁大聲啦傑仔，而家係香港講下自己有幾慘幾咁可憐已經會有人比錢仲好好搵架，香港700萬人每人都比一蚊你，你都已經有700萬喇，仲洗返工咩，喂，你都肉緊啲啦有人睇緊喇」  

突然傳黎好嘈既嘟嘟聲，原來又係個死人鬧鐘響，又要起身繼續做港豬喇唉

不過突然靈光一閃， 平時地鐵站出面成日都有班人阿伯阿婆係度籌錢，捐去邊又真係唔知，但又好多人會比錢落去， 如果都有人捐錢助養我依個廢青，我就真係可以䟴䠆腳唔洗做。 不過諗咁多做乜吖，沈家傑快啲刷牙洗面返工啦柒頭！