BGM: https://www.youtube.com/watch?v=R57qFH1JTlU&list=PLD3BC9D4D61BE73A9&index=1

「霖,做人如果冇公關嘅話,就冇好前途㗎啦!要同人打仗,就要有一定嘅彈藥同謀略,同埋自己嘅EQ要夠高。你得股盲力點夠人鬥呀?」母親一邊拿飯菜入房給自己,一邊苦口婆心地說。


「隔離班畀人蝦嗰啲同學一發惡,人哋就立刻唔出聲,同埋大家都好快friend返啦!」

我腦海中依然浮著我因被同學欺負,然後發瘋似的呼喝着他們,並企圖用暴力方式向該同學示警。

當時我根本對母親的勸告聽不入耳,只想用盡自己的理據進行辯護。





「點解我教左你咁多次都唔清楚自己自己錯咩㗎?你冷靜一下先啦!同埋記得食藥呀!」母親放下藥包後,便轉身離開了房間。

「又係利他林,食完隻手準備成晚震啦!」我心想,然後從猶如垃圾箱的書包中找出一瓶水,服藥後便準備一邊吃飯,一邊做功課。

然而,藥效始终敵不過自己過度活躍的身體和心情。

五分鐘後,我已經脫離了英文閱讀模擬試卷的字海,並開啟電腦,遊玩著模擬建築城市和模擬駕駛巴士的遊戲,嘗試淡忘著今天的不公。

我把喇叭調教到最大聲浪,播放著動漫的ost,聲音響遍了家中的每一個角落。





「霖少,間屋唔只屬於你一個人㗎!唔該你唔好咁自我中心啦!」

又是這個麻煩的家姐,以為自己做老師便可以習慣大聲說話!

「得啦,改你嘅功課啦, Miss!」

不知不覺,已經是凌晨一點。我也拖著疲累的身軀,在沒有換回家中衣服的情況下直接攤在床上,慢慢進入夢境。。。。。。









 
已有 0 人追稿