我是一名SEN的中學生: 第五章: 憐憫

[color=#222222]BGM:https://www.youtube.com/watch?v=5jszhCsxQRo

二樓長期空置的儲物室經常成為我的避風港。

每次傷心的時候也會躲在這裏哭個夠才慢慢回到課室上課。有時候也會令校方動員所有老師尋找我。

每次被他們發現了後，他們都不會說:「你發生咗咩事呀?」只會說:「又係你ar?唔好阻住人啦!」


算了!我反正也習慣了這個規律。。。。。。





突然，我聽見了有人開啟儲物室的門口。

進來的不是老師，社工或校工，她是一名身上有兩個書包的女同學，她開啟了手機的電筒功能呼叫著我。

「出。。。。。。出嚟啦，你個書包喺我度呀!」

「走啦!我唔想搞大件事呀!唔好理我啦!」

「唔。。。。。。唔好喇!你出嚟喇，有咩唔開心同。。。。。同我講啦。」





「你憐憫我?」

「我。。。。。唔鍾意見到人唔開心，我。。。。。。會喊埋一份㗎。。。。。」

「咁呀，我出嚟，不過唔好畀人知道我哋喺度！」

「好!」

我緩緩地爬了出來，她。。。。就是我在夢中看見的那個女同學，只不過好像有些不同，她耳上有一個類似藍牙耳機的東西，是什麼來的?





我坐在她的旁邊，說:「我叫阿霖,你呢?」

「悠悠。。。。。。」

「咁生囗面嘅你?」

「我。。。今個學期先轉嚟呢。。。間學校，而。。。且又唔出。。。聲，所以你。。哋咪留意唔到我。。。囉。」
 
「原來係咁，唔怪得好似冇人見到你咁啦，就好似你啞咗咁樣。」

「啞。。都係嘅。」

她臉上漸漸現出一點難色。
 




「點解你講野漏曬口嘅?你係咪真係唔識講嘢㗎?'」

 「我。。。。我。。。。」

她開始流下淚，然後她把眼淚抹在身上冷衫的衣袖上。

「我又講錯咗啲乜嘢呀?」

「無。。。無嘢，我.。。都係走。。先啦！」

話一說完，她便衝出了儲物室跑回課室去，我雙手提各自的書包在走廊奔馳著，跟著她回到課室。
 
「Wow，殘障情侶檔!」

Titus從課室後的位置叫囂起來，只見悠悠默默地回到座位，伏在桌上飲泣起來。





我把她的書包放在她的旁邊，然後回到我已被孤立的座位處。。。。

「一個癲嘅一個聾嘅 !」

Titus無視班長的勸告，依然用言語攻擊我們.。
 
「夠啦!唔好以為你係學生會主席就唔使守規矩呀！」

班主任在門口中勸止他，這場小型風波才得以平息。

「各位同學，我哋即將會舉行為期三個月嘅secret angel，每位同學需要喺三個月內分八次送8句歌詞俾你守護嘅對象，同埋鼓勵佢!」
 
「好老土呀!」





「中大伏就慘慘豬囉!」

「唔好嘥時間啦!」
 
「我已經放咗煮上對象名既紙條係你哋每一個人嘅櫃桶入面㗎啦，不過紙條係空白嘅人就當係唔使寫嘢畀人嘅幸運兒啦!」

我打開了放在櫃桶的那張紙，是空白的。

好彩啫！
 
「霖爺，你估下守護你嗰個人會寫啲咩畀你呀?可能係寫粗口歌嘅歌詞畀你呢，哈哈。。。。」
 
身邊的同學不斷取笑自己，認定我不會收到好的鼓勵吧。。。。。

偶爾，我發現了一雙迷人得有如會把對望的人吸入深淵的瞳孔正在凝視著我，跟夢中一樣，只是多了因哭泣而現出的紅筋。





正是悠悠。

難道。。。她是我的secret angel?