BGM:http://:https://www.youtube.com/watch?v=SLVuna3cYPE&t=31s
         https://www.youtube.com/watch?v=-O8Yw3Ga7Ek

「各位同學,我們將於下個月嘅5號舉行一年一度嘅陸運會,每一班要抽兩男兩女去完成比賽,如果有同學自願去比賽嘅話可以而家舉手。」班主任宣佈。


沒有人舉手。。。

「咁我就隨便抽4個人啦,阿霖,悠悠,Titus,Tiffany,你哋四個落場比賽喇!」





「下,我要同呢兩個殘障人士比賽?一定輸㗎喎!尤其係阿霖!以佢嘅性格會唔會走埋數㗎?上次叫外賣佢先至唔記得要落單,可唔可靠㗎?」Titus似你乎對這個決定有點兒不滿。

「但係佢係義工隊又幫到手喎,而且佢係交代責任方面都進步咗唔少~」

Tiffany,同時也是班長,替我辯護著。

「放心啦,我會拎最好嘅表現出嚟㗎啦~」我滿有自信心說。

「即係全場第一加破學校紀錄? 」Titus質疑。





「係!」

糟糕了,我又再次衝口而出。

班上傳來了嘩嘩聲的叫囂聲~

「我買Titus 贏!」

「走數佬又多條數啦!」





「阿霖又嚟喇!」

「你輸咗就要喺運動場大聲叫:我係垃圾,我係狗,wow wow十次,ok?」

「成交!」

小息的時候,悠悠拉著我到一旁,說:「你又唔。。。記得咗notice嘅第三條?」

「做不到的事情不要勉強,不要開空頭支票。」

「係,但。。。你又破咗例。。。」

「我知,但我想自強,我要威番一次畀佢睇,我哋唔可以再衰畀佢哋睇㗎喇!」

「我會尊重。。。你嘅決定,但得番兩星期幾時間練跑,趕。。。得切咩?」





「今日有體育堂,我哋一齊練跑呀?」

輝仔從門口走入,加入了我們的對話「加一,一齊加油!」

「我又嚟~」Tiffany加入了我們的陣營。

「BB抄人嘅~」

差點忘了說輝仔的女朋友就是Tiffany,她是一名身型瘦削,個子偏高,陽光型的女孩子,跟輝仔偏矮和肥胖的身形形成了對比,也許Tiffany喜歡輝仔的口才,他們才會一起吧~

下午的體育堂,體育老師讓我們訓練陸運會的項目,包括長短跑,跳遠,跳高,標槍等等,每位健兒也揮灑著青春的汗水,努力地鍛鍊著。

「阿霖,我哋開始啦~」





由於平常的體育課是男女分開上課的,因此這是我第一次看見悠悠穿體育服。

長長的體育上衣,搭配一條短短的運動褲,露出了雪白的長腿,如果她不是有缺憾,她應該會成為本校的校花~

我,悠悠,Tiffany,輝仔 沿著四百米的跑道緩跑著,我自從收到悠悠的notice後,便開始嘗試學習要有同理心,所以我也盡量不跑得那麼快。

十分鐘後,輝仔和悠悠已經上氣不接下氣走到旁邊休息了,只有我和Tiffany繼續緩跑著。

偶然我看見Titus在運動場的一旁向我奸笑著,心中好像盤算了什麼。。。

下課後,他們三人也稱讚我的運動神經強勁~

「我哋不如呢兩個星期放學之後抽幾日再練跑呀?」輝仔說。

「好!」我們其他三人異口同聲答應了他。
已有 0 人追稿