我是一名SEN的中學生: 第二十章:爆發-3

 「李sir，唔好阻住我罰學生，遲啲先再同你講！」

鋒sir一手捉着我的衣襟，一面跟李sir說。

「鋒sir，學生啫，唔係犯喎！使唔使用埋你以前做懲教果套呀？ 」李sir開始替我求情。

「我唔理！我哋學校唔容許有唔聽教嘅學生，畀啲教訓佢就啱㗎喇！」

「Top band one嘅名聲重要啲，定學生嘅成長發展重要啲？」





「傳統名校唔容許有人拖後腳！」

接著，鋒sir便拉著我走，基本上與遊街示眾沒有分別。

李sir則跟著我後面，一面安慰著我，一面冷靜地思考就解決方法。

「一陣去到訓導室，由於呢件事咁大鑊，應該學校最大粒嘅老師同校長都會在場。畀佢哋審嘅時候，盡量冷靜咁講你嘅事發經過，唔好投入過多個人情感，去左右佢哋嘅判斷。」

「你。。。會幫我？」





「盡我所能啦，你得罪嘅人唔惹小，無論喺老師，學生，家長層面都係，最嚴重嘅可能要報警處理。。。」

報警？今次闖大禍了，我已經是第六次犯大事，不但要被踢出校，而且還有機會留案底。。。

活該。。。我真活該！

為何自己要那麼衝動，明明道理本身在自己的一方，現在無故給了Titus一個大助攻， 實現了他把我趕走的願望。

 更重要的是，我的好友們，Tiffany，輝仔，義工隊成員，訓練班的學員，李sir ，家人們在這幾個月一路見證我不斷進步，即使自己遇到困難，他們並沒有放棄自己，反而更鼓勵自己繼續向前走。





還有，悠悠。。。我對不起你，令你失望了。。。

我沒有面子見你了。。。

為何你要花時間在一個冥頑不靈的人呢？你自己顧好自己就行了。。。

「叮噹！」

自動電梯的門口打開了，十多名高級教職員已經於門口「恭迎」我，他們的眼神各有不同 :有的驚訝，有的無奈，有的嘲諷，有的甚至是沒有一絲感情的。

我死定了！
 
越接近那個冷冰冰，沒有窗戶的訓導室， 自己的步伐越趨沉重。

 接受死刑吧！I deserve it！





BGM:https://www.youtube.com/watch?v=yU8wlBalP4U