[重口味][重甜愛情]三人世界: 第二十八回　玩夠未呀！？

第二十八回　玩夠未呀！？

[咁啫係妳全心玩我啦.]
佢又陰陰嘴笑.

[你好想要咩?]

[唔敢,妳又有老公,佢又好錫妳,我費事攪人老婆.]

佢突然伸手模著我塊面講.


[你真係好鬼cute.]

吓,成世人都未聽過有人話我cute,痴Q線就有.
本身已經著著地火,佢又打算玩多我一鑊,

[妖~~!!玩撚夠未呀!!]
估唔到肥妹我都忍到唔爆粗,對住敏姐居然破戒.
可以想像我有幾慶.
我一手推開佢隻手,即時開車門落車走人.
一條友行去地鐵站.



行行下坐咗係路邊花槽食煙.
從來都未試過比女咁玩.
以前只有我玩女,鍾意揸邊個就邊個.

邊有今日咁失威.
谷鳩氣,做份咁既工,連車都養唔起,重要比人玩.
真係好想唔撈行番古惑算.
點算呀,唔通真係比May講中.
呢個時候我想起既人居然係May而唔係Ivy.


唔得,我唔可以比佢睇死.

坐坐下身邊突然有人坐咗係我側邊.
原來係敏姐.
[對唔住,可能我真係飲醉酒....]
見到佢好似見濕濕,唉~~最怕女人咸.
[算啦,唔玩都玩咗,由得佢啦.]

[其實我想搵人同我傾計,我好悶...]

[咁妳唔搵妳D朋友傾?]

[我D朋友咪啫係我老公D朋友,我就係唔想比佢知.]

[妳唔係話佢好鍚妳咩?有乜野唔可以比佢知?]



[佢係我初戀情人,我地係埋一齊十幾年,係朋友面前我地好恩愛.]

[但係.....]

[佢有第二個?]

[唔係.]

[佢.....唔得?]

[你唔好咁咸濕得唔得.]

[男人唔係衰呢D野重會衰乜?]



[我覺得越呢越難同佢講通,佢都唔明我想要乜.]

[咁妳想要乜丫?]

[關心,愛.....同....性.]

[拿,妳自己講架,唔好話我呀.]

[係嗱係嗱,係我自己講嗱,咁得咪丫.]
佢好似有D發老脾咁喎,講到有D激動.

[妳唔係話佢無問題咩?]

[佢係無問題,但係....佢....我唔知點講,總之,每次佢都好似交功課咁.]
原來係欲求不滿人妻.



[咁...妳有無同佢講過丫?又或者妳著D性感內衣睇下佢點.]

[試過啦,佢咪只顧自己,都無理我感受.]

[咁....真係幫妳唔到.]

[其實你幫咗我架啦,我呢D野積係心入面好耐...多謝你聽我講.]

[平日同你傾計覺得幾開心,你好細心好識照顧人.]

[係咩?點解我唔覺既.]
見佢好似平靜返.

[走啦,我送妳返去.]



[唔...]