[重口味][重甜愛情]三人世界: 第四十三回 萬般帶不走,唯有業隨身

第四十三回 萬般帶不走,唯有業隨身

可能你地會覺得好過癮可以食母女丼,
其實一D都唔過癮,
甚至有人會幻想會唔會二女侍一夫,
對唔住,無....
雖然我咸濕,但係我都有底線架,
我係真心鍾意May,無人喜歡偷偷摸摸.
我現在連同Ivy分手都唔可以.
因為就算分手,我依然唔可以同May一齊.



有時Ivy要我同佢出去二人世界,
我一邊望住Ivy好開心既表情,另一邊望住May好無奈既神色,
你知唔知我有幾咁唔開心.
但係我知May比我更痛苦.

而呢個由我一手做成既困局,
最終都係由我一手去結束.

紙始終包唔著火,


有一日警察上門,要嚟既始終到要嚟.
我知道無法再隱瞞,所以全部照事實說出.
其他野只好等個天決定,

福無從至禍不單行,當我係羈留期間,
May呢探監,佢講咗一個驚人消息比我知.

[華....你點呀.]

[我無野,妳呢?妳好似瘦咗.]



[唔....]

[Ivy….佢無呢既?]

[佢....唔會再呢.]
我聽到呢句個心離一離,
不種不祥既感覺湧現心頭.

[點解!?]

[我...講咗我同你既關係比佢知.]

[吓!!?點解...]



[因為....我有咗.]

[吓!!!!]
我簡直唔相信自己聽到既野,

[妳....有咗!?]
May點點頭.

[我無辨法唔同....亞妹講清楚....]
見住May兩行眼淚一滴一滴咁跌落呢,我個心好痛.

[咁...佢點?]

[佢好嬲,搬走咗.]



[May,對唔住,所有錯都係因我而起.]

[我都有責任....]

[咁BB....]

[我唔想要.....]
我聽到呢一句唔知可以講乜.
我當然唔想佢咁,但係我現在咁環境,
都唔知要坐幾耐,我重可以做D乜?
唔通又要佢一個人照顧個BB.

[華....對唔住.]

[我明.]



[呢次....係我最後一次嚟探你.]
我只係點點頭無出聲,我知呢一日終於要嚟.
我亦明白點解,因為我令到May失去唯一親人.

[再見....]
呢句係我最後一次聽到May把聲.
我望住佢轉身離去.

之後我誤殺罪成判監7年.
呢7年係我人生入面最痛苦既日子,
每一日都受盡內疚既折磨,
因為我傷害咗身邊既人,就連未出世既都因我而受罪.

估唔到我會有咁既一日.


好快呢7年牢獄生涯結束,
我出番呢之後,無搵任何人.
搬咗去一間板間房住.
搵咗一份跟車做,
每日就係不停咁搬野,行屍走肉一樣過日字.
放工一個人番到間板間房,
房入面只有幾件衫,一個睡袋,一個煮食爐,
一個鐵筒,同一包炭.

每日我都搵一個唔點著呢包炭既借口.
今日,我終於再搵唔到借口,
我攞起包炭,放係鐵筒入面,封實D窗,
攞住個火機,撻著火,睇住微弱既火光慢慢點著包炭.
我合埋雙眼,終於得到解脫.