最終回 三人世界

呢個問題問一個啱啱自殺唔成既人,
我都唔知應該點答佢好.

[無野....]

[如果有野幫到手出聲.]
見到小月媽咪其實幾靚女,
如果換轉以前既我,可能又忍唔住撩下佢.


但係經歷咗咁多野,現在只想一個人靜下.

[多謝....]
於是我返房繼續自我封閉.

之後小月每日都有攞湯比我,
從佢口中知道佢地一家三口新移民,
住係板間房等上樓.

爸爸做地盤早出晚歸,媽媽係茶記做兼職.


好多時得小月一個係屋企.

唔知係唔係因為小月令我想起我原本應該有個小朋友.
所以我好鍾意同小月一齊玩.
久而久之同佢地屋企人熟起來.

我一放假有時間就幫佢地照顧小月.
佢就好似我個女一樣.
呢段時間好開心,做人好似有返動力.
有一點點偷返呢既家庭溫暖.



今日我放假所以幫手去接小月放學.
[小月,今日係學校乖唔乖?]

[乖.]

[咁華叔叔請妳食雪糕好唔好?]

[好呀!!]
我同小月走咗去M記,
一人一杯雪糕,坐係門口食.

食食吓,有個細路走過呢同小月打招呼.
原來佢係小月同學,見佢地有講有笑,我就走去買多杯雪糕.



當我排隊既時候,我聽到一把好耐無聽過既聲音.
[Aaron!!你有無攪錯呀,走開都唔同我講聲,我四圍搵你呀.]
我認得呢把聲,立即轉身一睇,只見有個女人既背影企係我面前.

[Ivy!!]
佢聽到我叫佢立即轉身發呆咁望實我.
之後佢走近我面前.

[好耐....]
點知我都未講完,佢已經一巴車過呢.
我企都企唔穩,退後咗兩步.

側邊D人唔知乜事個個望實我地,
包括小月同佢個朋友.



當我企定時,
Ivy再一巴掌打過呢,
我無閃避,第二巴比第一下更用力.
我已經感覺到口內有血既味道.
我知佢好嬲我,我欠佢太多無辨法償還.
佢就算打死我,我都唔會還手.

我見佢再次舉起手,準備好被佢再打.
但係Ivy停底咗無打過呢,
之後佢轉身走去小月身邊個男仔到,
[Aaron,我地走.]

只見佢拖住個細路走咗.
小月走過呢問我.
[華叔叔,你無事丫嗎?點解佢會打妳既?]



[因為華叔叔曾經做過一D好壞既事,所以咪比人打囉.]

[哦...原來華叔叔曳曳.]

[係呀....小月,我地返屋企啦.]
無錯,因為我被慾望控制,換呢今日既惡果.

一路上我係到諗,Ivy現在已經係人地媽咪,
起碼佢搵到一個好歸宿.
唔知May現在點,佢同Ivy關係會唔會好番?
不過算啦,我唔應該再介入佢地既生命入面.

--------------



另一邊廂.
在一間屋的廚房內,May正在準備晚飯時
忽然聽到開門的聲音.
[媽,我返呢啦.]

[女,今日遲咗喎,又同Aaron去咗邊到玩呀?]

[無呀....]
May見二人回來,立即走出廚房.
[Aaron,過呢抱抱.]
小男孩即時走向May身邊抱著她.

[今日係學校乖唔乖呀.]

[我當然乖啦,但係有人打人呀.]

Ivy聽到這句即時表現得很大反應.
[Aaron!!做乜亂講野呀!]

May看著Ivy問她.
[女,乜事呀?]

Ivy欲言又止,
[我....見到佢,打咗佢兩巴掌.]

May當然知道Ivy口中的佢是誰.
[女....]

[媽,我無野啦,發洩完啦.]

May企起身用力地緊抱著Ivy.
[對唔住...]

[媽..算啦,過咗去.]

[媽...過幾日我就返澳洲,不如妳都一齊過呢住.]

[唔好啦,妳地一家三口住得開開心心,我始終住唔慣外地.]

[咁我走咗之後,妳要好好照顧自己.]

[唔,我會.]

[媽...如果....妳想...]

May立即轉移視線.
[Aaron,過呢沖涼先.]
May拖著Aaron走進廁所內.

當年Ivy一怒之下離開了香港去了澳洲遊學,
在那裡認識了現在的丈夫,之後一直在那邊生活,
直至小朋友出了世才回港找May,
兩母女終於冰釋前嫌,但May始終有一份歉意.

------------ 

自從上次係M記見過Ivy,
知道個男仔係Ivy個仔之後,
我都唔夠膽再去接小月,
我怕再見到Ivy.

但係今日小月媽咪話臨時有事唔可以去接放學.
問我可唔可以幫手,
咁啱我又放假,無辨法只好速去速回.

我等到學校放咗學D人走到八八九九我先去接小月.
一見到佢我就一手拉住佢諗住搭車走人.
[華叔叔,我想食雪糕呀.]

[雪糕?...好...我地係屋企樓下買.]

[唔好,我想食M記.]

[唔好啦....]

[但係...我想食呀.]

[咁....]
算啦,無咁好彩呱.
拖住小月急急腳走去M記,
見到門外企咗一條買雪糕既長人龍.

當我行到去準備排隊時,
突然聽到有人叫我個名.
[華....]
呢一把聲,我呢生呢世都唔會忘記,
亦係我呢生人最想聽到,最想見到既人.
我轉身望見佢,佢再一次出現係我面前.
長長秀髮,外貌一D都無變,依然明艷照人.
[May…]

我地對望住大家無再出聲.
都唔知應該講咩.
呢個時候,小月走過呢捉實我隻手.
[買雪糕啦.]

[哦...好,小月等一陣妳過去玩住先,好唔好.]

[哦.]

May望住我問.
[妳個女?]

[唔...唔係,我點會有個女呀,我幫人湊女咋.]

[May,我....見過Ivy.]

[我知,佢重打咗你兩巴.]

[Ivy...好嗎?]

[唔,佢現在住係澳洲生活,結咗婚有一個小朋友.]
原來Ivy已經唔係香港.

[咁....妳呢?妳唔同佢地一齊住?]

[澳洲好悶唔啱我.]

[哈哈....妳...呢幾年過得好嗎?]

[嗯...好好.]
聽到呢句我總算放心,最緊要佢過得開心.

[華....]
May向我伸出手,我猶豫咗一下,
我應唔應該再去接近佢,
我怕我會再次傷害佢.

May行過呢拖實我.
再一次促著佢隻柔軟既手,
我真係唔想再放開佢隻手,
我知我唔可以再失去呢個女人,
我好大力咁揇實佢.
當我揇實佢既時候,突然我見到上次個男仔,佢同小月一齊玩緊.
佢唔係Ivy個仔咩?點解佢重係香港架?

May知我留意到個小朋友,佢叫咗一聲.
[Aaron!你過呢先.]
個男仔好乖咁走過呢May身邊. 
佢一手拖實May.

[佢....係?]
May無出聲望住我,佢只係點一點頭.

我彎底身望實個男仔,再忍唔住流出眼淚.
我終於搵番失去咗既野,係家既感覺.
呢個先係真正既三人世界.


~~~~~完~~~~~