簡介

你有無諗過做維修呢行? 我講緊係係原廠做維修電腦和手機果類維修啊?好多人都會覺得維修好專業,人工和地位一定高,但事實又係唔係咁?你自己試過做呢行就知道事實並唔係你諗得咁天真咁好,就如呢個世界唔會有咁鬼多童話世界架,醒下啦,呢個故事只係寫出維修既悲歌,寫出咁多年做維修的親身經歷而己。 更新呢家野,睇心情啦,會唔會爛尾,睇你怎睇啦,我自己都唔知,因為仲未諗到。



序章

「人生存為了什麼?」這個問題當我畢業出來做野後就開始諗,諗到衣家都仲未有100%肯定的答案,可能你會有好多的答案和道理,但係這都係你自己認同的嗎?

簡單啲來講就係「你是在做你自己?還是別人想看到的自己?」,呢句說話我經常會和自己講,你呢?有無認真諗過呢個問題?

講左咁多都未自我介紹,我叫武明士,識我既人次次見到我都會叫我無名氏,做左30年人都仲係維修佬一名,好多人都會第一時間諗到做維修的就等於人工低,無前途,無出色,但係,係唔係人工高,有車有樓,有地位就等於成功人士?有出色?做自己想做的工作,就等於無出色?唔諗將來?可能世界變左?定係我自己諗法太落後?

做左咁多年維修,你問我怎解咁鐘意做維修?無既,當年想做維修只係唔想再整壞部電腦俾人鬧,所以先去學維修。



好多朋友都會異口同聲咁講,做維修邊有前途架,人工低,又無得升職,地位又底,快啲襯衣家轉行啦。以前我會長編大論咁同佢哋解釋,希望佢哋能夠認同自己,認同維修呢一行,唔好再誤會維修,但是衣家我唔會咁做,因為,衣家明白到,一個人做到既野真係好有限,一個人堅持,真係會好累,己經唔想再同人解釋和認同,只要自己認同自己就夠。

曾經有人講過,時間會令人成長,但係我就覺得,令人成長的不是時間,而是經歷,而令我目前為止經歷得最多的,睇到最多人性面的就係我畢業後第一份做左差唔多5年的維修工作。
已有 0 人追稿