每—個人,都會有心事。。都希望能夠將心事,表達出去,唔使屈住喺心咁辛苦。

可能,「人」既構做,與生俱來,便有—份告解既需要,跟「犯罪感」有關?但偏偏,某些心事,卻又係—個秘密。

而之所以係秘密,當然係犯咗一啲不可告人既事。。例如,婚姻裏,有人出了軌。

最令我苦惱既,就係我竟然係不知不覺間, 墮入呢個情況,到自己發現時,已經太遲,也不是我喜歡上另一個男人。而是。。且待我向大家慢慢解釋吧。

事實上,我有—段美滿既婚姻,老公都好愛我,即使稱不上為「甜蜜蜜」,不竟,結婚已經十二年,莫講話「七年之癢」未有對我哋有任何影響。「性生活」上,大家都已經無乜需求。



所以,「出軌」呢個詞眼、意念,根本從未思想過。。

我跟老公,都有自己非常滿足人生既事業,佢係—個律師,我係—個社工。我睇,生活唯—短缺既。。就係我哋無「小朋友」。。而呢—點,其實老公未娶我之前,已經知道我係無法子替佢生BB,但佢都仍然肯娶我,佢真係好愛我,我亦好愛佢。

兩個月前,我喺工作上,有—個 case file ,原來係我童年屋村既鄰居。。陳叔叔,佢年事已老,現時獨居,但已經無法照顧自己,我需要幫佢處理入療養院。

當我探訪佢時,我突然聞到—股臭氣,我估陳叔叔「失禁」了,雖然我係意外咗,但並無甚麽大不了,而且,我未轉做社工之前,亦有受過做「看護」訓練,替病人沖洗抹身,我是懂的。但,亦是很久以前的事。

最終,因為那份工作太艱辛,所以才轉了做社工,因為都希望工作上能幫助到其他人。



然而,那次的情况,卻是我作為社工的工作範圍以外。。但又不知陳叔叔自己如何處理,只見佢滿面難為情,因為彼此都知道佢「失禁」了。。

回想到陳叔叔這個舊鄰居,當年對我哋同住—層樓既小朋友都很好,跟佢子女,亦是好朋友,想不到失散多年後,淪落至如此可憐,心裏不禁一酸,便決定幫佢。

我便問:「陳叔叔,你屋企有冇紙尿片呀?如果你有需要,我可以幫你換既。」

陳叔叔尷尬地回答:「冰女 (佢以前都係咁叫我個名)。。咁。。都係唔使你喇,阿傑佢聽日會返嚟。」

阿傑便是陳叔叔的兒子,比我大—歲,當年很熟呢,大家叫佢做「傑仔」,記起有一次,成班小朋友到公眾泳池游水,有些大哥哥在泳池旁追逐,我被撞跌落泳池深水處,都是傑仔嗌救命,「救生員」將我救回。



現在聽到佢既名,心中又起一股暖意,童年歡樂的時光,佢都是一份子之一。。但是,佢聽日才回來,陳叔叔豈可能等到聽日呢?會噏壞身體啊。

我便答:「吓,傑仔?不過佢聽日先返。。你點可以等到聽日呢?。。陳叔叔,你放心啦,我做過「看護」㗎,呢啲嘢我識㗎,我唔尬意㗎,如果你都唔尬意既話。」

陳叔叔仍然猶豫著。。說:「咁,點好意思呀,冰女。。」

我已經開始起身,答:「陳叔叔,唔使唔好意思啦,你咪當我好似「療養院」啲看護囉,你都就快要習慣啦,係咪?」

陳叔叔伸出一臂待我去扶佢,說:「冰女,咁真係麻煩你嘞。。你真係好人。。如果阿傑娶到你就好喇。」

聽到陳叔叔咁講,我心裏又是一段回憶。。回憶起兒時玩「坐花橋」和「搶新娘」,暖意中,亦帶點羞澀,耳根有點兒發熱。。我曾經是傑仔既「新娘子」呢。。只是當年還不懂「洞房」是甚麽一回事。

我笑一笑:「陳叔叔,唔好講咁多住,快啲嚟「洗白白」先。」

心中,卻不其然在諗,「傑仔。。佢而家既老婆唔好嗎?點解陳叔叔咁講呢?」





~ 待續 ~

『回憶那些年的片段。。』

一班細路,其中兩個男仔互扣手臂,一個細路女坐喺互扣手臂上,由「冷巷」一頭起步,前後有人護行。

另外三四個細路為另一組人,目標係要拉細路女「落橋」,當中一個,大嗌一聲:「兄弟們!同我搶個新娘落嚟」。

之後,一班細路便嘻嘻哈哈,大笑大叫地拉拉扯扯,渾作一團。

「我搶到喇!!新娘係我既!!」



冰女,每次都希望搶到佢既,係傑仔。